Klecki aktyvist nie pryznaje prymireńnia z načalnikam ŽKH.
Siarhiej Panamaroŭ adreahavaŭ na niadaŭniaje rašeńnie Niaśvižskaha rajonnaha suda ab spynieńni suprać jaho administracyjnaj spravy pa fakcie abrazy načalnika kleckaj ŽKH Alaksandra Navickaha. «Śmiech dyj tolki. Na pieradapošnim, šostym pa liku sudzie, ja vyjhraŭ u Navickaha», — kaža Panamaroŭ i dadaje, što nijakaha prymireńnia bakoŭ nie było, a tamu jon nie źbirajecca spyniacca.
U svaju čarhu Alaksandr Navicki patłumačyŭ «NN» čamu jon napisaŭ u sud prymirenčuju zajavu. «Mnie nadakučyła ŭžo jeździć u sudy, jakija raspačaŭ Panamaroŭ. Sud pryznaŭ jaho vinavatym, ale nie pakaraŭ, bo ja napisaŭ hetuju zajavu».
Nahadajem, što na siońnia niezavieršanaj zastajecca kryminalnaja sprava suprać Panamarova pavodle art. 369 KK RB («Źniavaha pradstaŭnika ŭłady»). Kleckaha apazicyjaniera abvinavačvajuć u abrazie šerahu kleckich čynoŭnikaŭ. Panamarova abviaścili ŭ vyšuk.
