U apytańni ŭziali ŭdzieł 2019 čałaviek, ź ich 85,7% stanoŭča vykazalisia na adras adnaŭleńnia carkvy.
Z 21 pa 23 žniŭnia siabry hrodzienskaha BRSM apytvali žycharoŭ horada. Minakam prapanoŭvałasia adkazać na pytańnie «Jak vy staviciesia da rekanstrukcyi Kałožskaj carkvy»i vykazać svaje karotkija zaŭvahi i kamientary. Respandenty mahli taksama aznajomicca ź mierkavanym varyjantam płanu rekanstrukcyi, raspracavanym RUP «Instytut Hrodnahramadzianprajekt». U apytańni ŭziali ŭdzieł 2019 čałaviek, ź ich 85,7% stanoŭča vykazalisia na adras adnaŭleńnia carkvy. Mienš za 2% apytanych abyjakava pastavilisia da losu carkvy, pakinuŭšy vyrašeńnie hetaha pytańnia na adkaznaść miascovych uładaŭ. Praciŭnikaŭ prajektu rekanstrukcyi niepakoić prafiesijny ŭzrovień restaŭrataraŭ, vierahodnaść abrušeńnia chrama ŭ vyniku pracaŭ na im, strata admietnaści pomnika i h.d.
3 vieraśnia a 14-j hadzinie ŭ Kałožskim parku adbudziecca ŭračystaje adkryćcio hramadskaj akcyi, inicyjavanaj hrodzienskim abłvykankamam, «Adnovim Kałožu razam!»
