Suśvietny forum vyjaŭlenčaha mastactva projdzie z červienia pa listapad 2011 hoda. Samastojna biełarusy prymuć u im udzieł druhi raz.
Biełaruskaja delehacyja ŭžo naviedała Vieniecyju, kab vybrać pamiaškańnie. Prarektar na navukovaj rabocie Akademii mastactvaŭ Michaił Barazna paviedamiŭ, što heta budzie nie bolš za 300 kvadratnych mietraŭ. I arendu hetaj płoščy apłocić «Pryjorbank».
Vieniecyjanskaja bijenale pravodzicca raz na dva hady z 1895 hoda. Heta fiestyval sučasnaha mastactva. Adpaviedna, pradstaŭlać krainu pavinna «kanceptualnaje mastactva, mastactva idej». Maładyja. Pa słovach Michaiła Barazny, užo jość tryccać kandydatur. Ale imiony tych, chto pajedzie, stauć viadomymi tolki paśla padpisańnia damoŭ na arendu pamiaškańnia ŭ Vieniecyi. «Heta nie buduć załatyja ramy i bahiety. Budzie videainstalacyja. Mahčyma, kinarežysior, litaratary pajeduć», — adznačyŭ sp. Barazna.
«My nie stolki raźličvajem, što zmožam atrymać «Załatoha lva», kolki zmožam vyklikać intares da našaha avanhardnaha mastactva», — ličyć kamisar biełaruskaha paviljona, mastactvaznaŭca Natalla Šaranhovič.
Pierad tym, jak jechać na Vieniecyjanskuju bijenale, całkam albo častkova ekspazicyja biełaruskaha nacyjanalnaha paviljona budzie vystaŭlena ŭ Minsku.
Biełaruskim nacyjanalny paviljon na Viniecyjanskaj bijenale paŭstaŭ u 2005 hodzie. Ale tady jaho arhanizacyjaj zajmaŭsia italjaniec. I naša mastactva nie było pradstaŭlena dastatkova šyroka.
