Pradstaŭniki Biełarusi, Rasii i Ukrainy źjazdžajucca ŭ Bychaŭski rajon na «Vialikuju bard-rybałku» 1

Vykanaŭcy aŭtarskaj pieśni ź Biełarusi, Rasii i Ukrainy źjazdžajucca na pieršy mižrehijanalny spartyŭna-muzyčny fiestyval «Vialikaja bard-rybałka»,

jaki adkryvajecca 26 žniŭnia na bierazie Čyhirynskaha vadaschovišča ŭ Bychaŭskim rajonie Mahiloŭskaj vobłaści.

Jak paviedamiŭ BiełaPAN staršynia arhkamiteta fiestyvalu Siarhiej Kulahin, padobny fiestyval — pieršy nie tolki ŭ Biełarusi, ale i ŭ SND. Akramia vykanańnia ŭłasnych piesień jaho ŭdzielniki buduć spaborničać u rybałoŭnym majsterstvie.

Ideja fiestyvalu naležyć bardu i zaŭziatamu rybaku z Homielskaj vobłaści Viačasłavu Klimoviču. Prajekt padtrymaŭ Bychaŭski rajvykankam, jaki dapamoh u arhanizacyi fiestyvalu i pošuku sponsaraŭ.

«Mnohija bardy zachaplajucca rybałkaj, — adznačyŭ Kulahin. — Chaciełasia b adradzić u Mahilovie fiestyval aŭtarskaj pieśni: u minułym u nas pravodzilisia „Sakavicki kot“ i „Novy horad“. Tamu było vyrašana abjadnać dva zachapleńni — rybałku i aŭtarskuju pieśniu — i arhanizavać spartyŭna-muzyčnaje śviata».

Pakul udzielniki fiestyvalu raźmiaščajucca ŭ pałatkach na terytoryi ahrasiadziby «Piasčany bierah». «Užo pryjechali bardy z Maskvy, Adesy i ŭsich rehijonaŭ Biełarusi», — paviedamiŭ Kulahin. Arhanizatary čakajuć pryjezdu prykładna sotni bardaŭ, a taksama amal tysiačy słuchačoŭ.

U prahramie fiestyvalu, jaki budzie doŭžycca da 29 žniŭnia, — kancert «Hitara pa kruhu», vykanańnie piesień pad hitaru na pantonnaj scenie na vadzie («Noč kłasičnaj hitary»), rybałoŭnyja spabornictvy, hała-kancert i cyrymonija ŭznaharodžańnia pieramožcaŭ rybałoŭnych spabornictvaŭ.

Pieršy kancert projdzie siońnia ŭviečary ŭ bychaŭskim Domie aficeraŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH