U Biełarusi raście cikavaść da nacyjanalnaha viasielnaha abradu

U apošnija hady ŭ Biełarusi raście cikavaść da nacyjanalnaha viasielnaha abradu. Ab hetym zajaviła dyrektar Biełaruskaha dziaržaŭnaha muzieja narodnaj architektury i pobytu Śviatłana Łakatko 24 žniŭnia na pres-kanfierencyi ŭ Minsku.

Pavodle jaje słoŭ, upieršyniu pasłuhu «biełaruskaje viasielle» muziej prapanavaŭ u 2005 hodzie.

Z kožnym hodam kolkaść achvotnikaŭ vykanać nacyjanalny viasielny abrad raście.

U 2009 hodzie muziej pryniaŭ 50 par, a viasnoj 2010 hoda achvotniki pravieści viasielle ŭ adpaviednaści z nacyjanalnymi tradycyjami ŭžo zapisvalisia na vosień, heta značyć utvaryłasia čarha.

Bolšaść achvotnych pravieści nacyjanalny viasielny abrad — moładź. «Što cikava, jość pary, kali jana biełaruska, a jon ź inšaj krainy, naprykład niemiec abo japoniec», — adznačyła śpiecyjalist. Pavodle jaje słoŭ, davoli časta niaviesty i žanichi pry prachodžańni biełaruskaha viasielnaha abradu apranutyja ŭ nacyjanalnyja kaściumy, a nie ŭ biełuju sukienku maładoj i čorny kaścium maładoha, jak pry rehistracyi šlubu ŭ ZAHS.

Jak ličyć Łakatko, rost cikavaści da nacyjanalnaha viasielnaha abradu śviedčyć ab uzmacnieńni cikavaści da biełaruskaj nacyjanalnaj kultury.

Lider etna-tryo «Troica» Ivan Kirčuk taksama zajaviŭ, što siarod moładzi adznačajecca moda na biełaruskija viasielli. Pavodle jaho mierkavańnia, maładym ludziam pierad viasiellem naležyć daviedacca pra tradycyi svajho rodu i siamji, pra značeńnie nacyjanalnych viasielnych abradaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH