Incydent adbyŭsia ŭviečary ŭ sieradu, 18 žniŭnia, u pravincyi Navara ŭ horadzie Tafała. Byk pieraskočyŭ achoŭny barjer i trapiŭ da hledačoŭ.
Fota diariodenavarra.es
Arhanizataram mierapryjemstva ŭdałosia ŭziać situacyju pad kantrol tolki praz 15 chvilin. Byk, jaki vyrvaŭsia z areny, byŭ uźbiešany. Bolšaść hledačoŭ, paciarpiełych u vyniku zdareńnia, atrymali siniaki i ŭdary. Špitalizacyja spatrebiłasia tolki 10-hadovamu chłopčyku, jakoha adpravili ŭ adnu z balnic Pampłony.
Ispanskija ŚMI ŭdakładniajuć, što incydent u Tafalle adbyŭsia padčas vystupu rekortadoraŭ (recortadores) - ludziej, jakija vykonvajuć z bykami akrabatyčnyja truki. Riekortadory vychodziać na arenu biez zbroi i nie zabivajuć bykoŭ u adroźnieńnie ad udzielnikaŭ bolš šyroka viadomaj u śviecie karydy.
Padobnyja incydenty vielmi redkija. Byki dastatkova časta sprabujuć kinucca na ŭstanoŭlenyja vakoł aren zaharodki, adnak u pieravažnaj bolšaści vypadkaŭ im nie ŭdajecca ich pieraadoleć.