Fiestyval kvietak prajšoŭ 15 žniŭnia ŭ miastečku Žałudok, Ščučanskaha rajonu. Fiestyval pravodzicca miascovymi uładami ŭžo treci raz, ale ŭpieršyniu jon padtrymany sumiesnym prajektam Jeŭrapiejskaha źviazu i PR AAN «Ustojlivaje raźvićcio na miascovym uzroŭni».
«Fiestyval kryšku źmianiŭ naš pasiołak. — raskazvaje dyrektar škoły, Vasilkievič Uładzimir Anatoljevič. — Sama ideja abjadnańnia i supolnaj pracy roznych kalektyvaŭ — vydatnaja. I kolki adrenalinu, i radaści ad konkursaŭ i pieramoh».
Taksama niemałavažnym faktaram dla arhanizataraŭ fiestyvalu było stvareńnie novaha imidžu dla pasiołka. Na fiestyval sioleta ŭžo pryjazdžali hości nie tolki ź bližejšych viosak i haradoŭ, ale i inšych abłaściej Biełarusi. Uładzimir Vasilkievič spadziajecca, što adnojčy śviata stanie brendam Žałudka. I siudy paciahnucca turysty.
«Sapraŭdy prablema pracaŭładkavańnia ŭ nas maje miesca być. Pakolki pasiołak nie maje šyrokaj infrastruktury, u nas niama vialikich pradpryjemstvaŭ. Tamu napisańnie prajektaŭ pa ustojlivamu raźvićciu, rabota nad miascovaj paviestkaj daje mahčymaść arhanizoŭvać praz prajekty niejkija pracoŭnyja miescy. — tłumačyć dyrektar škoły. - Toj ža samy infarmacyjny centr, muziej, ideja jakoha vitaje ŭ pavietry. Kali naš pasiołak budzie pryvabny dla tych ža turystaŭ, mahčyma ŭ nas źjaviacca novyja ahrasiadziby (pakul jość tolki adna «Marčukova chata»), buduć paśladoŭcy, jakija buduć raźvivacca ŭ hetym nakirunku. A čamu b nie realizoŭvać heta moładzi? Tym bolš, što moładź maje samyja ambicyjnyja płany siońnia.»
Luboŭ da kvietak dy niedachop moładzi ŭ maleńkim pasiołku tak i vitali ŭ pavietry. Nastaŭniki sa skruchaj zaŭvažali: raniej na dźvie škoły (małodšaja i siaredniaja) nie mieniej za 600 vučniaŭ nabirałasia, sioleta u vieraśni tolki 300 siaduć za školnyja party. Navat pieramožca konkursu «Łandšaftnaha dyzajnu», miascovy ksionz, nie abminuŭ temu demahrafičnaj prablemy. «Što ž vy nie zastajeciesia ŭ nas, dzietak by naradžali, zažyli b siamiejnym ščaślivym žyćciom. A to ŭ mianie dzievačak-rozačak, jakim pa 15-20 hadoŭ da sta nie chapaje - mnoha takich. A voś vas, maładych, jak by k nam zamanić?»
