U kišeni pradprymalnych afierystaŭ pierajšli niekalki miljonaŭ biudžetnych hrošaj.
Chto z nas nie maryŭ dastać kachanamu čałavieku zorku ź nieba! Nu, kali nie dastać, to chacia b prosta padaryć.
A kali i padaryć nie ŭdasca, to možna chacia b nazvać jakuju zorku imiem kachanaha, i niachaj ab vašych pačućciach viedajuć dziasiatki pakaleńniaŭ tych, chto hladzić na nieba!
Kolki heta kaštuje?
Kiemlivyja pradprymalniki daŭno padchapili ideju, i ŭžo ŭ mietro možna sustreć abviestki kštałtu «zorka ŭ padarunak, kupić zorku, zorny padarunak…», dzie za peŭnuju płatu vam prapanoŭvajuć niejmaviernaje — nazvać adno ź niabiesnych śviaciłaŭ imiem, jakoje vy prapanujecie. Ceny na takuju «pradukcyju» niemałyja — ad 25 jeŭra za zusim słabyja zorki da mnohich socień za tyja, što ledźvie bačnyja biez teleskopa. A kali vy zachočacie pryhožyja siertyfikaty ŭ ramačkach, zapis huku zorki (cikava, a što takoje «huk zorki»?), trochmiernyja karty navakolla i «pašpart» zorki, budźcie hatovyja da hetaj sumy dadać jašče niekalki socień ci navat tysiač jeŭra.
Aściarožna, afierysty!
Niaŭžo heta lehalna? Na sajtach bolšaści z takich firm vy abaviazkova znojdziecie raździeł «Pravavaja asnova», dzie vam patłumačać, što takaja dziejnaść całkam lehalnaja. Praŭda, aficyjna jana budzie nazyvacca čymści nakštałt «vyrab suvienirnaj pradukcyi astranamičnaj tematyki». Mohuć navat dać spasyłki na patent, jakim zabiaśpiečvajecca dziejnaść firmy. Ale kali pahladzieć na sam patent, to jon budzie vydadzieny, naprykład, na «Atrakcyjon «Turystyčny kaśmičny kompleks».
Handal zorkami nabyŭ takuju papularnaść, što navat Mižnarodny astranamičny sajuz (MAS) nadrukavaŭ adkryty list, dzie tłumačyć, što nie maje nijakaha dačynieńnia da najmienavańnia zorak i vydačy siertyfikataŭ. Nahadajem, što MAS — najvyšejšy orhan u astranamičnaj namienkłatury, mienavita jon navioŭ paradki siarod nazvaŭ i miežaŭ suzorjaŭ u 1922 hodzie, pazbaviŭ Płuton statusa płaniety ŭ
Praŭda, i sami firmy heta pryznajuć. Kali vielmi ŭvažliva čytać miž radkoŭ, to navat na sajtach «zornych kramaŭ» možna ŭbačyć, što za vašyja hrošy vy atrymajecie tolki nazvu zorki ŭ kamiercyjnym katałozie, jakim nie karystajecca ni adzin prafiesijny astranom, i pryznaje nazvu vašaj zorki tolki firma, jakaja vam jaje pradała. Kankurenty ž hetuju zorku, chutčej za ŭsio, «pradaduć» kamuści inšamu.
Chto kuplaje zorki?
Siarod tych, chto kupiŭsia na pryhožuju rekłamu, nie tolki prostyja ludzi. Naprykład, na zamovu Rasiejskaj pravasłaŭnaj carkvy, u 2000 hodzie firmaj «Mižnarodny zorny katałoh» adnoj z zorak Vialikaj Miadźviedzicy była prysvojena nazva «Viflejemskaja», a jaje kampańjonu było dadziena imia «Isus» (ab hetym paviedamlaje sajt firmy).
U Mahilovie na Płoščy zorak pobač z bronzavym astranomam źjaviłasia šylda z paliravanaha kamienia, jakaja paviedamlaje, što adna z zorak Vialikaj Miadźviedzicy ciapier nazyvajecca… «Zorka BRSM»! Taki niezvyčajny «padarunak
Darečy, navat u samaj pieradavoj ustanovie adukacyi — BDU — užo bolš za dziesiać hod krasujecca stend, jaki paviedamlaje, što adnoj z zorak Andramiedy prysvojena nazva «Zorka BDU» (ciapier hety stend možna ŭbačyć u muziei ŭniviersiteta). Darečy, hetaja zorka była «kuplena» navat nasupierak patrabavańniam absiervatoryi BDU, jakaja imknułasia adhavaryć univiersitet ad takoj sumnieŭnaj akcyi.
Dyk što ž padaryć?
Mnohija skažuć — hetyja navukoŭcy ŭsio raskrytykujuć, źniščać usiu ramantyku i pryvabnaść nieba! Što ž ciapier padaryć kachanamu čałavieku? Nasamreč, najlepšy padarunak — heta samo načnoje nieba. Lepš vyjedźcie daloka za horad i pakažycie svajoj druhoj pałovie sapraŭdnaje źziańnie Mlečnaha Šlachu — Šlachu Prodkaŭ, abrysy suzorjaŭ, raskažycie lehiendy pra ich — budźcie ŭpeŭnieny, takija padarunki acenić kožny!
