Adnavilisia zdymki eratyčnaha filma «Baćkava ščaście» 28

Ckandalny rasijski režysior i pradusar Alaksandr Vałaŭ vyrašyŭ adnavić zdymki eratyčnaha filma pra biełaruskaha prezidenta pad pracoŭnaj nazvaj «Baćkava ščaście».

Zdymki pačalisia jašče ŭ 2006, ale byli prypynienyja praz admovu vykanaŭcy hałoŭnaj roli ŭdzielničać u hetym prajekcie. U toj momant jon pracavaŭ u načnym kłubie kiroŭcam i zdymki ŭ eratyčnych filmach ličyŭ dadatkovym zarobkam, ale nie čakaŭ, što paŭstanie vialiki skandał.

Paśla pakazu na Pieršym kanale ŭ prahramie Andreja Małachava «Niachaj havorać» frahmienta ź filma «Baćkava ščaście» vybuchnuŭ skandał. Aktora-kiroŭcu zvolnili z kłuba. U prakuratury Biełarusi nie vyklučali raspačynańnia kryminalnaj spravy suprać stvaralnikaŭ filma za abrazu prezidenta krainy.

Praz čatyry hady kampanija «OERTV-Pradakšn» vyrašyła adnavić pracu nad filmam

i abviaściła ŭsierasijski kastynh na rolu Alaksandra Łukašenki.

U najbližejšy čas Alaksandr Vałaŭ praviadzie pres-kanfierencyju, dzie raskaža padrabiaznaści.

Vałaŭ nie baicca nastupstvaŭ: «My zdymajem nie dakumientalny film, a mastacki. I nijakaha prezidenta Respubliki Biełaruś u im niama. Jość vydumany piersanaž Baćka. Tak, nie budu admaŭlać,

jon padobny da Łukašenki i šmat u čym śpisany ź jaho. Tak, pa chodzie dziejańnia jon traplaje ŭ vielmi skandalnyja situacyi. Naprykład, budzie epizod, kali viadomy rasijski kampazitar pryvodzić da jaho niepaŭnaletnich chłopčykaŭ dla seksualnych zabavaŭ. Budzie šakavalny epizod u karoŭniku. Ale ja nastojliva rekamienduju nie stavicca da ŭsiaho hetaha zanadta surjozna».

Vałaŭ viadomy tym, što byŭ pradusaram pornaaktorki Aleny Bierkavaj, stvaryŭ Hramadski eratyčny telekanał i razam z deputatam Mitrafanavym źniaŭ film pra Juliju Cimašenka i Michaiła Saakašvili «Jula». Mabyć, nastaŭ čas prajścisia i pa reputacyi biełaruskaha prezidenta. Takija prajekty ŭ Rasii vypadkovymi nie byvajuć.

belaruspartisan.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH