Uviečary 8 žniŭnia ŭ Miensku razdavaŭ aŭtohrafy adzin z samych viadomych na siońnia polskich litarataraŭ Januš Lean Višnieŭski.Aŭtohraf-sesija adbyłasia ŭ muzyčnaj kramie «Misteryja huku», kudy namahalisia patrapić niekalki socień prychilnikaŭ tvorčaści papularnaha piśmieńnika. Adnak mnohija tak i nia zdoleli prabicca da svajho kumira praz ščylny natoŭp.
Januš Lean Višnieŭski nabyŭ eŭrapiejskuju viadomaść dziakujučy debiutnamu ramanu «Samotnaść u Siecivie» (S@motność w Sieci). Historyja virtualnaha kachańnia, jakaja ŭ adnoj tolki Polščy vyjšła nakładam 300 tysiač asobnikaŭ, u 2006 hodzie była ekranizavanaja i pa napaŭnialnaści zalaŭ na radzimie piśmieńnika pakinuła daloka za saboj halivudzkija błokbastery. Potym na śviet źjaviŭsia jašče šerah knih pra kachańnie.
Piśmieńnik upieršyniu naviedaŭ Biełaruś, ale skazaŭ, što chacieŭ by jašče raz naviedać krainu, kab paznajomicca i ź inšymi biełaruskimi miaścinami. Padajecca, takaja nahoda jašče budzie: Višnieŭski atrymaŭ prapanovu napisać scenaryj dla mižnarodnaha kinaprajektu. Ctužka moža być hatovaja ŭžo da kanca nastupnaha hodu, a vyjdzie jana ŭ rasiejskaj, polskaj, ukrainskaj i biełaruskaj versijach.Film buduć zdymać u Biełarusi pry ŭdziele biełaruskich, rasiejskich, ukrainskich i polskich kinematahrafistaŭ. Jak zajaviŭ Višnieŭski, stužka moža być hatovaja ŭžo da kanca nastupnaha hodu, a vyjdzie jana ŭ rasiejskaj, polskaj, ukrainskaj i biełaruskaj versijach.
Jak i ŭsie papiarednija tvory Leana Višnieŭskaha, čyrvonaj nitkaj u novym prajekcie budzie prachodzić historyja kachańnia. Mnohija krytyki z-za vuzkaj specyjalizacyi naŭprost nazyvajuć Višnieŭskaha «zakłapočanym». Adnak jon tolki admachvajecca: maŭlaŭ, kachańnie — heta psychičnaja chvaroba, paźbiehčy jakoj udajecca daloka nia mnohim.
Sam aŭtar užo šmat hadoŭ žyvie ŭ Niamieččynie, dzie zajmajecca malekularnaj bijalohijaj. Dahetul jon doŭhi čas byŭ marakom rybałoŭnaha flotu.
Krychu mieniej čym praz tydzień Janušu Leanu Višnieŭskamu spoŭnicca 56 hadoŭ.
