Šmatmiljonnaja padtrymka Juryja Łužkova nie dała plonu.
Arbitražny sud Maskvy zarehistravaŭ zajavu TAA «Choum bas Stok» ab niepłaciežazdolnaści avijakampanii «Atłant-Sajuz». Tydzień tamu hetaje ž TAA padało pazoŭ ab spahnańni z «Atłant-Sajuza» $288 tysiač.
Raniej paviedamlałasia, što
zapazyčanaść avijapieravozčyka, jaki naležyć uradu Maskvy, składaje $390 miljonaŭ. U sakaviku 2010 h. meryja vyrašyła pahasić daŭhi kampanii, uziaŭšy dla hetaha srodki ź biudžetu horada.
U 2009 hodzie Maskva mieła namier stvaryć kankurenta «Aerafłotu», sfarmavaŭšy chołdynh «Rosavija» na bazie «Atłant-Sajuza» i aktyvaŭ dziaržkarparacyi «Rastechnałohii». Adnak budučyja partniory nie damovilisia, a avijacyjnyja aktyvy «Rastechnałohij», pa rašeńni ŭrada, pavinny być pieradadzieny «Aerafłotu».
U pačatku 2010 hoda paviedamlałasia, što ŭrad stalicy pryniało rašeńnie pierajmienavać «Atłant-Sajuz» u «Maskvu». U pierśpiektyvie pieravozčyk pavinien uvajści ŭ trojku najbujniejšych avijapieravozčykaŭ Rasii. Pasažyrapatok «Atłant-Sajuza», pa płanach čynoŭnikaŭ, praź piać hadoŭ pavinien pavialičycca da 8 miljonaŭ čałaviek. U 2009 hodzie pasłuhami «Atłant-Sajuza» skarystalisia tolki 970.000 čałaviek.
