Niekalki miesiacaŭ tamu «Kamunarka» pa zamovie haziety Administracyi prezidenta «Sovietskaja Biełoruśsija» vyrabiła partyju firmovych šakaładak. Na vokładcy raźmieščanyja łahatyp haziety i słohan — «Pakaštuj praŭdu na smak!»
Voś tolki znajści ŭ prodažy hetyja šakaładki i pasprabavać praŭdu ad «SB», u kramach niemahčyma. Čamu tak składana nabyć smak praŭdy ad «Sovietskoj Biełoruśsii», radyjo pasprabavała daviedacca ŭ hałoŭnaha redaktara hetaha vydańnia Paŭła Jakuboviča. Ale jaho telefon niedastupny niekalki dzion.
Zatoje ad kamientaru na hetuju temu na admoviŭsia lider hramadskaj kampanii «Havary praŭdu!» Uładzimir Niaklajeŭ. Praŭda, jon rasčaravaŭ karespandenta, zajaviŭšy, što damovu ab supracy Niaklajeŭ i Jakubovič nie zaklučali.
«Z Paŭłam Izotavičam ja daŭno nie sustrakaŭsia. Va ŭsiakim razie, z taho času, jak kampanija «Havary praŭdu!» pačała svaju dziejnaść, my navat pa telefonie nie pieramaŭlalisia. Ale ja nie vyklučaju taho, što pad upłyvam dziejnaści kampanii nie tolki «Sovietskaja Biełoruśsija», ale i ŭsie našy dziaržaŭnyja ŚMI rušać u kirunku praŭdy. I razam, uziaŭšysia za ruki, my tak i vyjdziem da śvietłaj budučyni. Čamu nie?!"
I adznačyŭ, što ŭ «SB», u adroźnieńnie ad astatnich dziaržaŭnych ŚMI, sustrakajucca materyjały, jakija prymušajuć zadumacca i pasprabavać niešta vypravić. I dadaŭ, što «Havary praŭdu!» svaje šakaładki ź firmovym słohanam vypuskać nie źbirajecca. Chacia, kaža Niaklajeŭ, šakaładu ŭ nas jaduć davoli šmat i heta dobry
