Viciebskamu aktyvistu nie ŭdałosia damahčysia praz sud abviaržeńnia źmiestu artykuła «Kamu drenna, kali nam dobra», nadrukavanaha ŭ hazecie «Vićbičy». Hety artykuł S.Kavalenka ličyć paklopnickim, tamu jon patrabavaŭ vybačeńniaŭ ad redakcyi i ad staršyni viciebskaha harvykankamu.
Pavodle rašeńnia, vyniesienaha sudździoj Kastryčnickaha rajsudu Viktoryjaj Leščankaj, pazoŭ aktyvista adchileny ŭ poŭnym abjemie. Sudździa pastanaviła, što ni abrazaŭ, ni paklopu ŭ hazetnym artykule niama, i nie zadavoliła patrabavańnie Siarhieja Kavalenki nakont abviaržeńnia i materyjalnaj kampensacyi maralnych pakutaŭ.
Aktyvist patrabavaŭ pa 10 miljonaŭ rubloŭ z redakcyi hazety «Vićbičy» i asabista z redaktarki Niny Tulinavaj i staršyni viciebskaha harvykankamu Viktara Nikałajkina, jaki ŭ studzieni hetaha hodu pravodziŭ admysłovuju naradu z udziełam žurnalistaŭ. Mienavita paśla jaje ŭ viciebskich dziaržaŭnych ŚMI źjavilisia artykuły pra ŭčynak Siarhieja Kavalenki — vyviešvańnie
Apazycyjaner nia zhodny z tym, što ŭ artykule «Kamu drenna, kali nam dobra» pra jaho napisana jak pra šarahovaha vuličnaha chulihana: jon kaža, što pravodziŭ palityčnuju akcyju, pra jakuju nielha pisać u źnievažalnym tonie.
