Lider partyi «Spraviadlivy śviet» Siarhiej Kalakin raskrytykavaŭ lidera rasijskich kamunistaŭ Hienadzia Ziuhanava. Nahadajem, što Ziuhanaŭ zapatrabavaŭ ad Kramla spynić infarmacyjnuju vajnu suprać Alaksandra Łukašenki i Biełarusi.
«Siońnia ja b žadaŭ, kab rasijskaje telebačańnie praciahvała temu ab situacyi ŭ Biełarusi.
Było b dobra, kab taja infarmacyja, jakaja jość u rasijskich ŚMI, źjaŭlałasia ŭ efiry. Novaja, taja, jakuju my nie viedajem…Ja miarkuju, što pra źnikłych tam pavinna być bolš šyroka, čym na siońniašni dzień pakazana».
Nahadajem, što jašče niekalki miesiacaŭ tamu partyja «Spraviadlivy śviet» nasiła nazvu «Partyja kamunistaŭ Biełaruskaja». Adnak, pa słovach Kalakina, z KPRF jany nie tolki nie padtrymlivajuć nijakich stasunkaŭ, ale i majuć surjoznyja razychodžańni pa pryncypovych pytańniach.
Kalakin: «U nas niama stasunkaŭ aficyjnych z KPRF. U 1996 hodzie KPRF padtrymała dziaržaŭny pieravarot, arhanizavany Łukašenkam, i stała na bok Łukašenki. I u nas jość nieparazumieńni pa adnosinach da isnujučaha režyma. Tamu pazicyi ŭ nas supraćlehłyja».
Pa słovach Kalakina, u rasijskich kamunistaŭ jość svaje intaresy ŭ Biełarusi. I toj pramoŭšan, jaki robić kiraŭnictva KPRF Łukašenku ŭ Rasii, daje im mahčymaść svaje intaresy realizoŭvać, kaža palityk.
