Upraŭleńnie DAI HUUS Minharvykankama paviedamlaje pra toje, što ŭ hetyja vychadnyja dni budzie vieści «masiravanuju adpracoŭku daroh i mahistralaŭ» z metaj vyjaŭleńnia parušalnikaŭ praviłaŭ darožnaha ruchu.
«Asablivaja ŭvaha budzie nadadziena takim parušeńniam, jak vykarystańnie sotavaj suviazi padčas ruchu, niepryšpileny remień biaśpieki, chutkasnyja režymy ruchu, a taksama vykarystańnie vadzicielami matacykłaŭ, mapiedaŭ i skuteraŭ biez motašlemaŭ», — papiaredžvaje Dziaržaŭtainśpiekcyja.
Paviedamlajecca taksama, što z 13.00 24 lipienia budzie časova abmiežavany ruch transpartu pa centralnych mahistralach stalicy (MKAD — praśpiekt Niezaležnaści — praśpiekt Pieramožcaŭ) u suviazi z praviadzieńniem parada matacyklistaŭ, jakija buduć ruchacca ŭ Łahojsk na fiestyval bajkieraŭ.
