Biełaruskija artysty hatovyja skazać nie plusavoj fanahramie (hukavomu zapisu muzyčnaha tvora, jaki źmiaščaje zapis hołasu vykanaŭca).
Takaja zajava była zroblena na kalehii Ministerstvy kultury, pryśviečanaj raźvićciu muzyčna-estradnaha mastactva.
«Ja budu zmahacca z fanahramaj haračym žalezam, budu jaje vyžyvać, našy muzyki pavinny pryvučacca śpiavać u žyvuju»,
— padkreśliŭ Pavieł Łatuška, rastłumačyŭšy pry hetym, što prykładna 60-70 pracentaŭ tvoraŭ vykonvajucca biełaruskimi artystami mienavita pad plusavuju fanahramu.
Zasłužanaja artystka Biełarusi Iryna Darafiejeva całkam pahadziłasia z hłavoj Ministerstva kultury, adznačyŭšy, što, kali śpiavak nie moža pracavać pad minusavuju fanahramu (hukavy zapis muzyčnaha tvora, jaki nie ŭtrymlivaje zapisu hołasu vykanaŭca), značyć, jon naohuł nie pavinien śpiavać. «Dla hetaha i isnujuć roznyja prahony i repietycyi, jakija pakazvajuć majsterstva artystaŭ.
A toj, chto śpiavaje, pavinien śpiavać»,
— skazała Iryna Darafiejeva.
Svajo mierkavańnie z nahody nabalełaha «fanahramnaha» pytańnia vykazaŭ i narodny artyst Michaił Finbierh. Maestra skazaŭ, što ajčynnym muzykam treba vielmi šmat repietavać, pracavać nad saboj i pavialičvać majsterstva, bo tolki ŭ hetym vypadku biełaruskaja estrada stanie prafiesijnaj, na joj nie buduć złučacca majstry svajoj spravy i prostyja amatary, muzyki na adzin dzień.
Z zajavaj Paŭła Łatuški pahadzilisia i prysutnyja na kalehii kiraŭnik ansambla «Siabry» Anatol Jarmolenka, pradziusiery Viktar Hryšanaŭ i Uładzimir Kubyškin, kampazitary Jaŭhien Alejnik i Aleh Jelisiejenka, artysty estrady Inna Afanaśjeva, Iskui Abalan, Alaksiej Chlastoŭ.
