Udzielniki kanfierencyi nacyjanalnaha Forumu hramadzianskaj supolnaści (FHS) «Darožnaja karta Uschodniaha partniorstva dla Biełarusi», što prajšła 6 lipienia ŭ Minsku, vyznačyli rekamiendavany skład delehacyi dla ŭdziełu ŭ Forumie hramadzianskaj supolnaści prahramy ES «Uschodniaje partniorstva». U skład delehacyi ŭvajšli pradstaŭniki 32 arhanizacyj.
U liku arhanizacyj, jakija rekamiendavaŭ FHS, jość jak zarehistravanyja, tak i niezarehistravanyja hramadskija abjadnańni. U pryvatnaści,
u rekamiendavany skład delehacyi ŭvajšli takija arhanizacyi, jak Asambleja demakratyčnych niedziaržaŭnych arhanizacyj, Biełaruskaja asacyjacyja žurnalistaŭ, ruch «Za Svabodu», Tavarystva biełaruskaj movy imia Franciška Skaryny, Tavarystva biełaruskaj škoły, Biełaruski kanhres demakratyčnych prafsajuzaŭ i inšyja.
Aprača taho, u jakaści ŭdzielnikaŭ delehacyi rekamiendavany praŭładnyja arhanizacyi: Fiederacyja prafsajuzaŭ Biełarusi i prafsajuz rabotnikaŭ adukacyi. «Arhanizatary kanfierencyi paličyli nieabchodnym unieści ich u śpis arhanizacyj, jakija biaruć udzieł u FHS, pakolki prafsajuzy
Tym nie mienš, pavodle jaho słoŭ, śpis udzielnikaŭ Forumu hramadzianskaj supolnaści Uschodniaha partniorstva jašče budzie ŭdakładniacca. «Isnujuć peŭnyja kryteryi dla ŭdziełu ŭ forumie z boku Jeŭrapiejskaj kamisii i z boku Jeŭrasajuza. 26–27 lipienia ŭ Brusieli ŭžo jeŭrapiejskija struktury vyznačać, chto ad Biełarusi budzie brać udzieł u forumie, jaki projdzie ŭ listapadzie 2010 hoda ŭ Bierlinie», — zaznačyŭ Vialička.
Nahadajem, u pieršaj sustrečy Forumu hramadzianskaj supolnaści ŭ listapadzie 2009 hoda ŭ Brusieli ŭziali ŭdzieł 27 arhanizacyj, jakija byli adabrany z 76, što padali zajaŭki.