1 i 2 lipienia ŭ Budsłavie, na Miadzielščynie, adbyvajecca fest u honar Maci Božaj Budsłaŭskaj, Apiakunki Biełarusi.
Fota Julii Daraškievič.
Tradycyja pilihrymak u Budsłaŭ adnaviłasia za niezaležnaściu Biełarusi, napačatku 1990‑ch. Ad taho času tysiačy viernikaŭ ź Biełarusi i ŭsiaho śvietu,katalikoŭ i pravasłaŭnych, prychodziać da kaścioła pakłanicca abrazu Niabiesnaj Apiakunki Biełarusi. Fest u Budsłavie zrabiŭsia samym vieličnym, uračystym i, zrešty, samym biełaruskim śviatam krainy.
Kulminacyjaj festu źjaŭlajecca ŭračystaje šeście z cudatvornaj ikonaj. Dziasiatki tysiač ludziej z zapalenymi śviečkami abychodziać centralnuju płošču miastečka i viartajucca da kaścioła. Niby žyvaja vohniennaja raka płyvie pierad vieličnaj bazilikaj. Heta pryhožy i vieličny momant, jaki abaviazkova treba pabačyć na svaje vočy, kab adčuć historyju i ŭračystać śviata Maci Božaj Budsłaŭskaj.
NŠ
***
Asablivaści arhanizacyi sioletnich uračystaściaŭ u Budsłavie
Jak i letaś, pa inicyjatyvie orhanaŭ MUS z metaj harantavańnia maksimalnaj biaśpieki ŭdzielnikaŭ mierapryjemstvaŭ vakoł kaścioła buduć ustalavany turnikiety ź mietałašukalnikami.
Zabaraniajecca mieć pry sabie chałodnuju, ahniastrelnuju i hazavuju zbroju, vybuchovyja rečyvy, režučyja i kolučyja pradmiety, šklanyja butelki i inšyja rečy, jakija mohuć nieści pahrozu dla žyćcia i zdaroŭja ludziej.
Pierad ałtarom budzie abstalavany siektar dla invalidaŭ. Pałatkavy haradok dla pilihrymaŭ budzie arhanizavany na terytoryi byłoha aeradroma, kala jakoha budzie taksama raźmiaščacca stajanka dla aŭtobusaŭ. Prajezd na stajanku płanujecca arhanizavać tolki z boku miastečak Kryvičy i Daŭhinava. Miescy parkoŭki aŭtobusaŭ buduć abaznačany.
Prajezd u centr Budsłava dla lehkavych aŭtamabilaŭ budzie pierakryty 1 lipienia z 12.00.
Stajanka dla lehkavych aŭtamabilaŭ duchavienstva praduhledžana za budynkam klaštara. Prajezd na stajanku mahčymy tolki pry najaŭnaści propusku vyznačanaha ŭzoru.
***
1 lipienia, čaćvier
13.00—17.00 — sustreča i pryvitańnie pilihrymaŭ.
18.00 — śviataja Imša dla pilihrymaŭ.
20.30 — Akafist (chor hreka‑katalickaj Carkvy).
21.00 — maryjnyja Niešpary (ksiandzy‑salezijanie).
23.00 — śviaty Ružaniec (ajcy‑karmielity).
24.00 — pracesija i śviataja Imša (celebruje arcybiskup Tadevuš Kandrusievič; śpieŭ — minskaja parafija Najśviaciejšaj Trojcy (Sv. Rocha) na Załatoj Horcy).
2 lipienia, piatnica
02.00 — moładzievaja prahrama ŭ pałatačnym haradku (hurt «Niebaschił»; Alesia Unukoŭskaja).
02.00 — śviataja Imša pavodle hreka‑katalickaha abradu (pierad abrazom Maci Božaj).
04.00 — adaracyja Najśviaciejšaha Sakramentu (u bazylicy).
05.30 — Hadzinki ab Biezzahannym Začaćci Najśviaciejšaj Panny Maryi na polskaj movie (śpieŭ — pilihrymy).
06.00 — śviataja Imša pierad abrazom Maci Božaj (celebrujuć ajcy‑biernardyny).
07.30 — śviaty Ružaniec (ksiandzy‑maryjanie).
08.30 — śviataja Imša na polskaj movie ŭ bazylicy (celebrujuć arcybiskup Varšaŭska‑Pražski Chienryk Choser i ajcy‑novapreśvitery).
10.00 — prezientacyja Kampiendyja KKK na biełaruskaj movie (arcybiskup Tadevuš Kandrusievič) i pradukcyi vydaviectva «Pro Chrysto».
10.30 — śviataja Imša (celebrujuć biskupy Biełarusi; śpieŭ — chor minskaj archikatedry «Gloria»).
Vystaŭleńnie Najśviaciejšaha Sakramentu, pracesija.
Himn Te Deum laudamus.
13.00 —śviataja Imša na polskaj movie (biskup Antoni Dziamjanka)
