Prezident FIFA Jozef Błater prynios aficyjnyja prabačeńni zbornym Anhlii i Mieksiki, jakija ŭ matčach 1/8 finału čempijanatu śvietu paciarpieli ŭ vyniku surjoznych pamyłak sudziejskaj bryhady.
Zep Błater, fota Reuters.
Nahadajem, što ŭ sustrečy anhličan ź Niamieččynaj nie byŭ zaličany hoł Frenka Łemparda, paśla ŭdaru jakoha miač apuściŭsia za linijaj varot. A ŭ pajadynku mieksikancaŭ z Arhiencinaj refiery pamyłkova nie zafiksavaŭ stanovišča «pa‑za hulnioj» u Karłasa Tieviesa, jaki tady i adkryŭ lik.
«My škadujem, što sudziejskija pamyłki ŭsim vidavočnyja.
Nieabchodna razhledzieć mahčymaść uniasieńnia źmianieńniaŭ i paźbiehnuć padobnych situacyj u dalejšym», — zajaviŭ Błater.
FIFA maje namier abmierkavać temu ŭviadzieńnia videapaŭtoraŭ u lipieni na čarhovym pasiadžeńni arhanizacyi, jakoje projdzie va Uelsie. Błater taksama zajaviŭ, što da listapada hetaha hoda budzie raspracavana prahrama, nakiravanaja na pavyšeńnie ŭzroŭniu sudziejstva.
0
0
0
0
0
0