Zbornaja Arhienciny vyjhrała ŭ 1/8 finału ŭ Mieksiki ź likam 3:1 i vyjšła ŭ čverćfinał čempijanatu śvietu, dzie zhulaje sa zbornaj Niamieččyny, što razhramiła Anhliju 4:1
Praŭda, pieršy hoł arhiencincy – vyznačyŭsia Karłas Tevies (26-ja chvilina) – zabili ź vidavočnaha afsajdu. Potym lik padvoiŭ Hansała Ihuain (33-ja). U pačatku 2-ha tajma (52-ja) ci nie samy pryhožy hoł čempijanatu zabiŭ Karłas Tevies. Mieksikancy zdoleli zabić adzin miač u adkaz (Ernandes, 71-ja).
Takim čynam viadomyja ŭžo dźvie pary čverćfinalistaŭ:
Uruhvaj – Hana (piatnica, 2 lipienia, 21:30),
Arhiencina – Niamieččyna (subota, 3 lipienia, 17:00). Hetyja kamandy sustrakalisia ŭ čverćfinale na čempijanacie śvietu 2006 hoda. Asnoŭny i dadatkovy čas tady skončyŭsia 1:1, i niemcy (haspadary čempijanata) pieramahli pa pienalci 4:2.
U paniadziełak projduć matčy Hałandyja – Słavakija (17:00) i Brazilija – Čyli (21:30).
Pieramožcy zhulajuć miž saboj u čverćfinale.
Zbornaja Niamieččyny (hałoŭny trenier – Ijachim Loŭ) razhramiła zbornuju Anhlii (hałoŭny trenier – Fabijo Kapieła) ŭ 1/8 finału čempijanatu śvietu pa futbole ź likam 4:1 i vyjšła ŭ čverćfinał.
Niemcy viali ŭ liku 2:0 (Kłoze, 20-ja, Padolski 32-ja),
potym brytancy zmahli skaracić lik (Apsan, 37),
a potym Łempard mahutnym udaram pad pierakładzinu zahnaŭ miač u bramu, ale sudździa Chorchie Łaryjonda praspaŭ hety momant i hoł nie zaličyŭ.
Heta byŭ ci nie klučavy momant u sustrečy. Na pierapynak kamandy pajšli ź likam 2:1.
A ŭ druhim tajmie niemcy dvojčy padłavili anhličan na kontatakach. Dubl na rachunku Tomasa Miulera (67-ja, 70-ja).
4:1.
Pakul nibyta hrymnuła čarhovaja siensacyja čempijanatu – Anhlija vylecieła z čempijanatu ŭ 1/8 finału. Bukmiekiery vyvodzili brytancaŭ minimum u paŭfinał, sports.ru pastaviŭ na čempijonstva. Ale tyja prahnozy rabilisia z uvahi na 1-je miesca brytancaŭ u hrupie i vychad, u dadzienym vypadku, na Hanu.
U čverćfinale Niamieččyna sustreniecca ź pieramožcam matču Arhiencina – Mieksika, jaki pačniecca ŭ niadzielu ŭ 21:30.
