Chto z ajčynnych muzykaŭ maje internet-staronku?
Siarod tych, u kaho sajtu niama, — N.R.M. Paśla taho, jak niekalki hadoŭ tamu sajt uzłamali chakiery, muzyki vyrašyli im nie zajmacca. Ale ŭ Internecie dziejničaje fan-kłub hurtu. Asobna isnuje staronka Lavona Volskaha, na jakoj vykładzieny jaho solny prajekt «Kuplety i prypievy».
Najbolš sajtaŭ majuć «Pieśniary». Heta z-za taho, što ansambl paśla śmierci Uładzimira Mulavina raskałoŭsia. Tady ŭźnikli niekalki kalektyvaŭ, jakija pretendavali na jaho spadčynu. Ale siońnia tolki dva ź ich paŭnavartasna isnujuć: Biełaruski dziaržaŭny ansambl «Pieśniary» i «Biełaruskija Pieśniary».
Čyje sajty nie abnaŭlajucca
Z 2007 hoda nie dadajucca naviny na sajty śpiavačak Vianiery i Hiunieš, hurtu «Ulis» . Bolš za paŭhady nie abnaŭlałasia staronka IQ48.
Chto prapanuje pampavać svaju muzyku
Dva albomy «Praz żyćcio» i «Pradajem siabie» prapanuje biełaruski hurt z Polščy Rima. «Lapis Trubiackoj» vykłaŭ dla pampoŭki albomy «Kapitał» i «Manifest», chacia ŭ Internecie biez prablem možna znajści i «Kultpraśviet».
«Bieź Bileta» dazvalaje biaspłatna spampavać albom «Krasnomu disku sołnca», a astatnija dyski tolki pradajucca.
«J:mors» prapanuje tolki prasłuchać svaje pieśni on-line. Toje i na sajcie Znich.
Usie pieśni vykłali dla spampoŭvańnia Naka, IQ48, «Ściana», Alaksandr Pamidoraŭ.
Tolki asobnyja kampazicyi vystavili Biełaruski dziaržaŭny ansambl «Pieśniary», «Siabry», «Pałac», «BN», «Trojca», Zero-85.
Piotr Jałfimaŭ prapanoŭvaje pasłuchać i spampavać tolki svoj pieršy albom «Ja choču…».
Dla amataraŭ biełaruskamoŭnaj estrady 1990-ch i pačatku 2000-ch vialikaj znachodkaj stanuć sajty Anažaliki Ahurbaš, dzie možna spampavać albom «Biełarusačka», i Iryny Darafiejevaj ź jaje «Redkim hościem», «Pulsam maich chvilin».
Chto maje biełaruskamoŭnuju viersiju sajta
Pryncyp u asnoŭnym taki: chto śpiavaje pa-biełarusku, toj i sajt maje biełaruskamoŭny. «Ściana» ŭ dadatak da biełaruskaj i rasijskaj maje polskamoŭnuju i ŭkrainamoŭnuju viersii.
Sajt Iryny Darafiejevaj maje biełaruskamoŭnuju viersiju. Ale navina na joj nie źmianiajucca ŭžo niekalki hadoŭ. U astatnich muzykaŭ da raskaj movy ŭ asnoŭnym dadajecca jašče i anhlijskaja.
Inšyja sajty biełaruskich muzykaŭ
