Ministerstva pryrodnych resursaŭ i achovy navakolnaha asiarodździa nahadvaje ab praviłach źbirańnia hryboŭ i štrafach za ich parušeńnie.
Jak paviedamlajecca na aficyjnym sajcie ministerstva, štraf za parušeńnie patrabavańniaŭ da źbirańnia hryboŭ praduhledžany ŭ Kodeksie ab administracyjnych pravaparušeńniach. Dla hramadzianina jaho pamier składaje da 20 bazavych vieličyń,[700 tys. rubloŭ] dla indyvidualnaha pradprymalnika da 100 bazavych vieličyń, dla jurydyčnaj asoby da 500 bazavych vieličyń.
Zakanadaŭstvam dazvoleny dva sposaby źbirańnia hryboŭ — zrazać ich nažom ci akuratna vykručvać z koraniem. Najbolš prymalnym źjaŭlajecca zrazańnie hryba, bo pry jaho vykručvańni z koraniem ciarpić hrybnica. Akramia taho, padčas vykručvańnia hryba z koraniem paškodžvajecca nie tolki hrybnica, ale i maleńkija pačatki budučych hryboŭ.
U biełaruskich lasach užo źjavilisia pieršyja hryby — lisički. Minpryrody źviartaje ŭvahu hramadzian: zabaroniena źbirać lisički z pamieram šlapki mienš za 1,5 sm u dyjamietry. Taksama niedapuščalna razhrabańnie lasnoj pościłki z metaj źbirańnia hryboŭ, asabliva lisičak.
