Zarabotnaja płata miedrabotnikam moža być pavialičana ŭ čaćviortym kvartale 2010 hoda. Pra heta paviedamiŭ ministr achovy zdaroŭja Biełarusi Vasil Žarko 16 červienia na pres‑kanfierencyi ŭ Minsku.
Pavodle jaho słoŭ, padrychtavany prajekt ukaza prezidenta
«ab značnym pavieličeńni zarabotnaj płaty miedykam».
Dakumient užo ŭzhodnieny z zacikaŭlenymi ministerstvami i viedamstvami, ciapier znachodzicca na razhladzie Savieta ministraŭ, paśla čaho budzie ŭniesieny ŭ Administracyju prezidenta.
«Ź vialikaj dolaj upeŭnienaści mahu skazać, što pavieličeńnie zarpłaty adbudziecca», — skazaŭ ministr. Pra toje, nakolki budzie pavialičana zarpłata miedrabotnikam, jon nie ŭdakładniŭ.
Žarko nahadaŭ, što ŭ krasaviku hetaha hoda siaredniaja zarpłata miedrabotnikaŭ skłała 812 tysiač rubloŭ, abo 76% ad siaredniaha ŭzroŭniu zarpłaty ŭ narodnaj haspadarcy. Pry hetym, pavodle jaho słoŭ, zarpłata ŭračoŭ skłała ŭ siarednim kala 1 miljona 369 tysiačy rubloŭ, siarednich miedycynskich rabotnikaŭ — 786 tysiač rubloŭ.
Pavodle Ministerstva achovy zdaroŭja, u Biełarusi siońnia pracujuć kala 164 tysiač miedrabotnikaŭ.
