U piatnicu, 25 červienia, u 16.00 fiestyvalnuju prahramu na dźviuch hałoŭnych scenach adčynić hurt Nofacez (Ukraina) Paśla jaho na scenu vyjdzie biełaruski hurt CherryVata, a praź niekalki hadzin sa svaim bendam zajhraje Lavon Volski. Chedłajnierami prahramy pieršaha dnia buduć Casiokids (Narviehija) i Empire Of The Sun (Aŭstralija). Na kłubnaj scenie Zip FM u hety dzień spačatku vystupiać maładyja litoŭskija hurty, a z 23.00 i da ranicy budzie viečaryna oldschool hip-hop, hałoŭnym ćvikom jakoj budzie znakamity bitboksier Killa Kela (Vialikabrytanija).
U subotu, 26 červienia, u 13.00 fiestyvalnuju prahramu adkryje hurt Open Space (Biełaruś). Chedłajnierami druhoha dnia buduć Roots Manuva (Vialikabrytanija) i Skunk Anansie (Vialikabrytanija). Na scenie Zip FM vystupiać «Krasnoznamiennaja divizija imieni mojej babuški» (Rasija), Akute (Biełaruś), Everything Is Made In China (Rasija). Z poŭnačy da ranicy hledačoŭ čakaje elektra-pop viečaryna z udziełam litoŭskaha hurtu Silence Family.
U niadzielu, 27 červienia, na hałoŭnych scenach u miežach akcyi «Rok-maršy», prymierkavanaj da 20-hodździa niezaležnaści Litvy, z 14 da 23 hadzin vystupiać lepšyja litoŭskija rok-hurty, u tym liku takija sapraŭdnyja lehiendy, jak Žas, Bix, Keistuoliai, Antis.
Ahułam na fiestyvalnych scenach vystupiać bolš za 50 artystaŭ. Taksama na placoŭcy hledačoŭ ciaham troch dzion čakajuć spartoŭnyja spabornictvy, mastackija majsterni, mnostva tematyčnych namiotaŭ i handlovych kropak.
Padrabiazny raskład čytajcie tut.
Apošni dzień prodažu fiestyvalnych kvitkoŭ na fiestyval u Biełarusi — 15 červienia. A 16 červienia zakančvajecca pryjom dakumientaŭ na atrymańnie vizy.
Kvitki: hrupavyja (ad 4 asobnikaŭ) — 185 tys.rub., dla studentaŭ — 200 tys. rub. (pa paśviedčańni), dla astatnich — 250 tys.rub.
Zamova kvitkoŭ i daviedka pa telefonach (029) 6 5555 96, (033) 6 5555 96.
