Z 7 červienia abmiažoŭvajecca pieramiaščeńnie transpartnych srodkaŭ u punkcie propusku «Brest — Ciarespal».
Jak paviedamiŭ načalnik słužby pahraničnaha kantrolu Bresckaj pahraničnaj hrupy Alaksiej Kurhanaŭ, abmiežavańnie źviazana z pačatkam ramontu aŭtamabilnaha mosta cieraz Zachodni Buh, jaki spałučaje punkty propusku «Ciarespal» i «Varšaŭski most» na biełaruska‑polskim učastku miažy. Ramont budzie ažyćciaŭlać polski bok. Prykładna jon budzie doŭžycca da 17 lipienia.
«U hety čas dla ruchu budzie adkryta tolki adna pałasa mosta, transpart budzie prapuskacca ŭ reviersiŭnym paradku,
— skazaŭ Kurhanaŭ. — U suviazi z hetym my rekamiendujem hramadzianam, jakija źbirajucca ŭ hety pramiežak času jechać na aŭtamabilnym transparcie ŭ Polšču abo cieraz Polšču,
vybirać inšyja punkty propusku».
Treba adznačyć, što «Varšaŭski most» źjaŭlajecca centralnym aŭtadarožnym punktam propusku na biełaruska‑polskim učastku miažy. U siarednim cieraź jaho štodzionna pierasiakajuć miažu ŭ abodva baki da 4 tysiač transpartnych srodkaŭ i da 7 tysiač pasažyraŭ.
