Pradstaŭniki «Dziatłaŭskaha syrarobnaha zavoda» vystupili ŭ aficyjoznaj «Hrodzienskaj praŭdzie» z hučnym materyjałam, maŭlaŭ, «Biełłakt» pradpryniaŭ sprobu rejderskaha zachoru zavodu.
«Akcyja viadziecca šlacham nieabjektyŭnaha infarmavańnia akcyjanieraŭ.Im roznymi sposabami prapanoŭvajecca pradać, pieradać u davieranaje karystańnie svaje akcyi, praŭda, pa košcie jak minimum u 10 razoŭ mienš za ich faktyčny košt», — pišuć staršynia naziralnaha savieta AAT «Dziatłaŭski syrarobny zavod» Hanna Hryncevič i dyrektar pradpryjemstva Alaksandr Dubovik.
U 2008–2009 hadach dziatłaŭski zavod mieŭ vialikija prablemy — pradpryjemstva pracavała ŭ stratu. U dadatak, nie pracavała asnoŭnaja technałahičnaja linija — jaje madernizavali. U paraŭnańni z kryzisnymi hadami ciapierašniaja situacyja vyhladaje lepš. Heta, na dumku kiraŭnictva, dazvalaje mierkavać pra paśpiachovaść zavoda. Maŭlaŭ, za pieršyja čatyry miesiacy hoda rentabielnaść dziatłaŭskaha zavoda skłała 26,8%, a ŭ «Biełakta» — 18,6%. Pra toje, što pradpryjemstvy pracujuć faktyčna ŭ roznych vahavych katehoryjach, razmovy nie viadziecca. A miž tym
«Biełłakt» — adzin z najbujniejšych eksparcioraŭ małočnaj pradukcyi na rynak Rasii.
U kancy materyjała kiraŭnictva Dziatłaŭskaha syrarobnaha zavoda «źviartajecca da akcyjanieraŭ pradpryjemstva, jaho ciapierašnich rabotnikaŭ i zavodskich vieteranaŭ: «Bieražycie stvoranaje vašaj pracaj, pracaj vašych baćkoŭ, nie paddavajciesia na ŭhavory pradać, pieradać u davieranaje karystańnie svaje akcyi. Zastavajciesia paŭnapraŭnymi haspadarami svajho zavoda!
Pryviedzieny i kamientar novaha hubiernatara Hrodzienščyny Siamiona Šapira:
— U Hrodzienskaj vobłaści nieadkładna spynieny ŭsialaki niesankcyjanavany prodaž ułasnaści.Jak skazaŭ prezident Alaksandr Łukašenka, nie my stvarali ŭ krainie ŭłasnaść, nie nam jaje i dzialić.
