U subotu 5 červienia a 15‑j adbudziecca aśviačeńnie minskaj kaplicy Maci Božaj Ružancovaj (mikrarajon Łošyca, Ihumienski trakt, 26), jakoje ździejśnić Mitrapalit Minska‑Mahiloŭski arcybiskup Tadevuš Kandrusievič.
Parafija isnuje z 1997 h., u Łošyckim parku zachavalisia ruiny kaplicy 1788 h. Na praciahu šaści hadoŭ vierniki malilisia ŭ arendavanaj zale miascovaha ŽESa, jašče raniej śviataja Imša celebravałasia ŭ pryvatnych kvaterach. 8 červienia 2009 h. adbyłosia aśviačeńnie ziamli pad budaŭnictva kaplicy.
Budaŭnictva novych śviatyniaŭ — važnaja i nieabchodnaja sprava ŭ žyćci Katalickaha Kaścioła ŭ Biełarusi. Na žal, da hetaha času mnohija parafii Minska nie majuć ułasnych kaplic i kaściołaŭ, tamu z asablivaj radaściu zaprašajem usich žadajučych pryniać udzieł u aśviačeńnie kaplicy Maci Božaj Ružancovaj.
0
0
0
0
0
0
