21 maja kiraŭnik dypmisii raspačała pracu.
Pra toje, što Bałdžurava časova adazvana ŭ Biškiek dla kansultacyj, stała viadoma 14 maja.
Napiaredadni, 13 maja, supracoŭniki biełaruskaha pasolstva ŭ Kyrhyzstanie pakinuli hetuju krainu ź mierkavańniaŭ biaśpieki: na praciahu krasavika — maja kala budynka pasolstva ŭ Biškieku prachodzili pikiety z patrabavańniami vydać Kurmanbieka Bakijeva, jaki znachodzicca ŭ Biełarusi, uładam Kyrhyzstana. Adjezd dypłamataŭ ź Biškieka pres‑sakratar MZS Biełarusi Andrej Savinych nazvaŭ časovaj mieraj, źviazanaj «vyklučna z pahrozaj ich žyćciu i biaśpieki». «Pahroza zychodzić ad ekstremisckich elemientaŭ, jakija dziejničajuć u Kyrhyzstanie i jakich nichto nie kantraluje», — patłumačyŭ pres‑sakratar. Da narmalizacyi abstanoŭki ŭ Kyrhyzstanie viartańnie biełaruskich dypłamataŭ u hetuju krainu nie płanujecca.
Źvierhnuty prezident Kyrhyzstana Kurmanbiek Bakijeŭ znachodzicca ŭ Biełarusi z 19 krasavika. 4 maja kiraŭnik časovaha ŭrada Kyrhyzstana Roza Atunbajeva padpisała dekret ab pazbaŭleńni jaho prezidenckaj niedatykalnaści na padstavie kryminalnaj spravy, pa jakoj źvierhnuty lider abvinavačvajecca ŭ arhanizacyi zabojstvaŭ i złoŭžyvańni słužbovym stanoviščam. U toj ža dzień prezident Biełarusi Alaksandr Łukašenka zajaviŭ, što nie źbirajecca vydavać Bakijeva novym uładam Kyrhyzstana.
Adnak u Kyrhyzstanie zajaŭlajuć, što majuć namier dabivacca ekstradycyi Bakijeva. Adpaviedny zapyt pastupiŭ u Hienieralnuju prakuraturu Biełarusi ź Biškieka 11 maja, a 21 maja hienprakuratura atrymała materyjały kryminalnaj spravy ŭ dačynieńni da Bakijeva.
