Vyhladaje, što Vašynhton hatovy pierajści da maŭklivaj niejtralnaści. Adzinaj pieraškodaj padajecca asobnaje pytańnie pasolstva.
Kroki Vašynhtona vyrazna pakazvajuć na źmienu kursu ŭ dačynieńni da Biełarusi. Była padtrymka praz MVF — 3,5 miljarda. Źmianiłasia staŭleńnie da biełaruskaj palityčnaj apazicyi. Ad peŭnaje pary jaje, chutčej, ihnarujuć.
Z čym źviazanaja pieramiena? Niama dvuch varyjantaŭ adkazu: z kursam Minska na niezaležnaść ad Maskvy.
Łukašenku nie ŭdałosia skałupnuć, značyć, varta ź im ličycca. Nie revalucyja, a nabližeńnie. Minsk nie budzie praciŭnikam, pakul nie budzie ŭłazić u antyamierykanskija avantury. Takoj vyhladaje palityka Abamy da Biełarusi. Abamy, pieršyja kroki jakoha Łukašenka vitaŭ.
Ach tak, jość asobnaje pytańnie pasolstva, ź jakoha biełaruskija ŭłady vyhnali dypłamataŭ. Honar nie dazvolić ZŠA zapluščvać na heta vočy. Adnak u vypadku vyrašeńnia pytańnia z ambasadaj narmalizacyja adnosinaŭ z ZŠA padajecca realnaj.
Staŭleńnie ZŠA da pytańniaŭ demakratyi ŭ Biełarusi tady moža «azierbajdžanizavacca». Heta značyć, pryncypovaja padtrymka pravoŭ čałavieka, ale biez nastojvańnia na palityčnych pieramienach. I hatoŭnaść da raźvićcia ekanamičnych kantaktaŭ.
Apazicyi pryjdziecca prystasavacca da novaj dadzienaści, jakaja moža zaciahnucca až da źmieny kursu ŭ Vašynhtonie ci ŭ Minsku. Na pieršaje apazicyja ŭpłyvać nie moža — choć i ciešyć siabie takoj iluzijaj, a voś druhoje całkam u biełaruskich rukach.
U kožnym razie, narmalizacyja adnosinaŭ z ZŠA daść Biełarusi dadatkovyja arhumienty ŭ niaprostym dyjałohu z Maskvoj. Niezaležnaść ad taho ŭmacujecca, demakratyja adkładajecca na paśla.
