Kvitki na fiestyval Be2gether znoŭ pamienšyli ŭ koštach.
Pry nabyćci čatyroch i bolš kvitkoŭ, ich košt składzie 185 tysiač rubloŭ. Takaja prapanova dziejničaje ŭ kasie kancertnaj zały «Minsk», u bary «Małako» (halereja «Ŭ»), u raspaŭsiudnikaŭ na płoščy Jakuba Kołasa.
Raniej źmienšyŭsia košt kvitkoŭ dla studentaŭ. Jon składaje 200 tysiač rubloŭ (pry najaŭnaści studenckaha bileta), dla ŭsich astatnich — 250 tysiač.
Pry najaŭnaści kvitka litoŭskaja viza vydajecca biaspłatna. Dla padačy dakumientaŭ u ambasadu kožny kvitok treba papiarednie zarehistravać na sajcie www.b2g.lt. Padrabiaznaści ab atrymańni vizy čytajcie na www.b2g.soundline.by.
Be2gether — transpamiežny rok-fiestyval, jaki projdzie z 25 pa 27 červienia la litoŭskaha zamka XVI st Narviliški. Sioleta na im vystupiać Skunk Anansie (Vialikabrytanija), Empire Of The Sun (Aŭstralija), «Hajdamaki» (Ukraina) i inšyja. Biełaruski bok pradstaviać Lavon Volski i Open Space.
