Tolki daviednik dla abituryjentaŭ vydaviectva «Vyšejšaja škoła» daje samuju dakładnuju infarmacyju ab ustupnaj kampanii. Pra heta paviedamiŭ pieršy namieśnik ministra adukacyi Biełarusi Alaksandr Žuk.
Jon adznačyŭ, što vydaviectva śpiecyjalizujecca na padrychtoŭcy litaratury dla pastupajučych. U daviedniku z ulikam novaha paradku pryjomu, zaćvierdžanaha Ministerstvam adukacyi dla kožnaj ustanovy adukacyi, pryviedzieny ŭmovy pastupleńnia ŭ VNU ŭ 2010 hodzie, a taksama najbolš poŭnaja infarmacyja ab navučalnych ustanovach. U vydańni jość adrasnyja źvieski, źviestki pra sajt, elektronnuju poštu, numary telefonaŭ, śpiecyjalnaści, śpiecyjalizacyi, kvalifikacyja, termin i formy navučańnia, ustupnyja ispyty, konkurs, prachadny bał, aryjencirovačny płan pryjomu i prykładny košt navučańnia. Taksama pryviedzieny źviestki ab formach dauniviersiteckaj padrychtoŭki — padrychtoŭčyja adździaleńni i kursy. Patrebnuju dla siabie infarmacyju znojduć i tyja, chto choča atrymać druhuju vyšejšuju adukacyju.
Alaksandr Žuk padkreśliŭ, što daviedniki dla pastupajučych inšych vydaviectvaŭ mohuć źmiaščać niedakładnuju infarmacyju ab pryjomie na 2010 hod, bo mnohija vydaviectvy staviać pierad saboj metu pieršyja vydać daviedniki i zarabić na hetym hrošy. Časta jany publikujuć nie źvieranuju z navučalnaj ustanovaj infarmacyju (paradak pryjomu za papiaredni hod aŭtamatyčna pieranosicca na hety hod).
