Upraŭleńniem pa baraćbie z ekanamičnymi złačynstvami UUS Mahiloŭskaha abłvykankama abjaŭleny ŭ miždziaržaŭny vyšuk raniej nie sudzimy Siarhiej Astapienka, jaki pracavaŭ zahadčykam siektara bankaŭskaha absłuhoŭvańnia jurydyčnych asob adździeła apieracyjnaha absłuhoŭvańnia Mahiloŭskaha rehijanalnaha adździaleńnia AAT «Biełźniešekanambank».
Jak paviedamili va ŭpraŭleńni infarmacyi i hramadskich suviaziej MUS Biełarusi, u dačynieńni da bankaŭskaha słužačaha rasśledujecca sprava na padstavie č. 4 art. 210 Kryminalnaha kodeksa (kradziež šlacham złoŭžyvańnia słužbovymi paŭnamoctvami ŭ asabliva bujnym pamiery).
U krasaviku Siarhiej Astapienka niezakonna biez płaciežnaj instrukcyi klijenta pieraličyŭ z raźlikovaha rachunku AAT »Mahiloŭski zavod štučnaha vałakna» na rachunak TAA »Termaindustryja» amal 1,2 młrd. rubloŭ. Zatym z hetych hrošaj jon 191,9 młn. rubloŭ pieravioŭ na raźlikovy rachunak miascovaha indyvidualnaha pradprymalnika, a astatniuju sumu — 990 młn. rubloŭ — na svoj biahučy rachunak.
Pieravioŭšy vykradzienyja hrošy ŭ najaŭnyja ŭ kasach i bankamatach Mahilova, złačynca źnik.
