Na minułym tydni pucioŭku ŭ vyšejšy dyvizijon (pieršaja bundeśliha) Niamieččyny pobač z «Kajziersłaŭternam» zavajavaŭ kłub «Sankt‑Pauli». Kłub nie dabiŭsia čahości značnaha ŭ Jeŭropie, ale viadomy tym, što bazirujecca ŭ adnajmiennym rajonie Hamburha, prosta našpihavanym roznymi «zabaŭlalnymi» ŭstanovami. Mienavita ŭ hetym rajonie znachodzicca znakamitaja vulicy Rypierban
Kłub «Sankt-Paŭli», moža, nie taki viadomy ŭ futbolnym śviecie jak «Hamburh», maje vialikuju kolkaść fanataŭ. Pryčym nie tolki ŭ Niamieččynie (tut ich kala 11 młn!), ale i pa ŭsim śviecie.
Fanaty «Sankt‑Paŭli» pazicyjanujuć siabie jak antyfašysty i antyrasisty, jakija vielmi pazityŭna stavicca da ludziej roznych seksualnych i hramadskich (aproč nacysckich) aryjentacyj i subkultur, zmahajučysia suprać usich formaŭ pryciaśnieńnia. Jaho hienieralny dyrektar Korni Litman — adkryty hiej, jaki vałodaje dvuma teatrami. Nie dziŭna, iranizuje sports.ru, što hałoŭnym trenieram jon zaprasiŭ čałavieka z proźviščam Stanisłaŭski :)
Hałoŭnyja kaštoŭnaści «Sankt-Paŭli» — multykulturnaść i svaboda samavykazvańnia.
U svoj čas kiraŭnictva kłuba admoviłasia ad rekłamy časopisa Maxim, kai zaŭziatary paličyli, što jana ŭščamlaje hodnaść žačnyn, jakich siarod fanataŭ tut bolej, čym u inšaha niamieckaha kłuba.
Časta na trybunach źjaŭlajucca ściahi «Viasiołaha Rodžera», jaki staŭ nieaficyjnym simvałam kłuba. U fan-šopie kłuba možna zamović sabie takuju maječku i nadpisam «Sankt-Paŭli».
U 2003 hodzie «Sankt‑Paŭli» ledź nie zbankrutavaŭ i vyratavali ad finansavaha krachu jaho mienavita zaŭziatary,
jakija za niapoŭnyja try miesiacy sabrali nieabchodnuju sumu ŭ €1.950.000. Jak atrymali hrošy?:
Prodaž 140.000 futbołak z nadpisam «Vyratavalnik» (niem. Retter)
Akcyja «Pi za Sankt‑Paŭli!» — bary vakoł stadyjona adličvali na karyść kłuba 50 jeŭracentaŭ za kožny pradadzieny kufal piva. Padčas akcyi sabrali €20.000
Akcyja «Pješ Astra — ratuješ Sankt‑Pauli» — skrynia piva «Astra» pa canie 1€. Sabrali 120.000
Šerah dabračynnych kancertaŭ — €270.000
Pramyja achviaravańni — €200.000
Voś taki viasioły i ŭnikalny kłub sa stohadovaj historyjaj budzie hulać u pieršaj bundeślizie ŭ siezonie 2010/2011, u tym liku sychodzicca ŭ derbi z «Hamburham».
