Z takoj traktoŭkaj u presie vystupiŭ novy kiraŭnik MUS Ukrainy Anatol Mahiloŭ.
Adkazvajučy na pytańnie žurnalistki haziety «Levy bierah», ci nie turbuje jaho jak ministra reputacyja dziejnaha prezidenta, Mahiloŭ staŭ na abaronu Janukoviča. Jon pacikaviŭsia ŭ surazmoŭcy, ci paliła jana ŭ škole i ci ździajśniała naohuł «niapravilnyja ŭčynki».
Žurnalistka paličyła niasłušnym paraŭnoŭvać kureńnie i «dźvie chodki na małaletku». «A kali nazvać heta palityčnymi represijami taho času?», — paryravaŭ ministr.
Viktar Janukovič u 1967 hodzie byŭ asudžany na paŭtara hoda «za rabavańnie, źviazanaje z hvałtam». U 1970 hodzie jon byŭ znoŭ asudžany za «pryčynieńnie cialesnych paškodžańniaŭ siaredniaj ciažkaści». Paśla, u 1978 hodzie, sudzimaści ź Janukoviča byli źniatyja pa chadajnictvie kasmanaŭta Hieorhija Bierahava, jaki spryjaŭ budučamu prezidentu.
Adznačym, što ŭ antysavieckaj dziejnaści, jakaja mahła b abhruntavać viersiju pra «palityčnyja represii», Janukovič zaŭvažany nie byŭ.
