Pra heta paviedamiŭ načalnik pradstaŭnictva Minskaha haradskoha ŭpraŭleńnia Respublikanskaha centra pa azdaraŭleńni i sanatorna‑kurortnym lačeńni nasielnictva Valeryj Harunoŭ na pres‑kanfierencyi ŭ Minsku 12 maja.
Jon adznačyŭ, što kančatkova košt puciovak nie zaćvierdžany.
Letaś jon składaŭ u siarednim 560 tys. rubloŭ.
Pavodle słoŭ Harunova, datacyja sa srodkaŭ dziaržaŭnaha sacyjalnaha strachavańnia na adnu pucioŭku ŭ azdaraŭlenčyja łahiery z kruhłasutačnym znachodžańniem składzie 280 tys. rubloŭ (255 tys. rubloŭ u 2009 hodzie), u azdaraŭlenčyja łahiery ź dzionnym znachodžańniem — 120 tys. rubloŭ (110 tys.), u profilnyja azdaraŭlenčyja łahiery z kruhłasutačnym znachodžańniem terminam nie mienš čym 9 dzion — 125 tys. rubloŭ (115 tys. rubloŭ u 2009 hodzie).
Taksama Minharvykankam dadatkova vydzielić srodki
dla rabotnikaŭ biudžetnaj i kamunalnaj śfier, jany atrymajuć dapamohu ŭ apłacie adpačynku dziciaci ŭ pamiery da 240 tys. rubloŭ.
Dla taho kab skarystać lhotu dla dziciačaha azdaraŭleńnia Harunoŭ rekamiendavaŭ źviartacca ŭ kamisiju pa azdaraŭleńni pa miescy pracy. Kali takoj niama — u pradstaŭnictva Minskaha haradskoha ŭpraŭleńnia Respublikanskaha centra pa azdaraŭleńni i sanatorna‑kurortnym lačeńni nasielnictva pa miescy žycharstva. Tam vydaduć daviedku ab tym, što dzicia maje prava na datacyju na pucioŭku ŭ azdaraŭlenčy łahier i paviedamiać, u jakim ź ich jość miescy.
Harunoŭ paviedamiŭ, što ciapier miescy ŭ bolšaści azdaraŭlenčych łahieraŭ zareziervavanyja. Adnak jon adznačyŭ, što paśla 25 maja miescy ŭ azdaraŭlenčych łahierach buduć, pakolki »tradycyjna vykuplajuć nie ŭsie z zabraniravanych». Jak praviła, padčas pieršaj źmieny ŭ łahierach zastajucca svabodnyja miescy, a samaj zapatrabavanaj źjaŭlajecca druhaja. Infarmacyja ab azdaraŭlenčych łahierach raźmieščana na sajcie Minharvykankama. Źviestki buduć papaŭniacca, padkreśliŭ Harunoŭ.
