Adzin z najbahaciejšych ludziej Polščy Jan Kulčyk u razmovie z polskimi ŚMI zajaviŭ pra płany budaŭnictva ŭ Biełarusi ciepłavoj elektrastancyi na kamiennym vuhali mahutnaściu 1000 MVt. Prajekt startuje ŭžo sioleta, sama ž stancyja pačnie pracavać u 2012 h.
Akramia Biełarusi, Kulčyk źbirajecca investavać u budaŭnictva ekałahičnych elektrastancyj va Ukrainie i ŭ samoj Polščy
Pavodle słoŭ Kulčyka, Polšča pačynaje adyhryvać usio bolšuju rolu na enierhietyčnaj mapie Jeŭropy. Jon stavić na mecie stvareńnie pryvatnaj polskaj enierhietyčnaj hrupy, jakaja mahła b kiravać padobnymi prajektami ŭ Centralnaj i Uschodniaj Jeŭropie i kansalidavać aktyvy ŭ hetym siektary.
***
60‑hadovy Jan Kulčyk, jaki ličycca najbahaciejšym palakam, žyvie ŭ Łondanie. Jon naležyć da naftavych miljarderaŭ i mahnataŭ. Jahony kapitał aceńvajecca ŭ 4,5 młrd. dalaraŭ.
Pavodle časopisu Forbes, Jan Kulčyk za 2006—2009 hady ŭźniaŭsia va suśvietnym rejtynhu miljarderaŭ z 4756 na 463 miesca.
Jak pišuć ŚMI, adrozna ad rasijskich aliharchaŭ, Kulčyk trapiŭ u šerahi najbahaciejšych ludziej nie praz partyjnuju karjeru: jon pradprymalnik u trecim pakaleńni. Biznes jahonaha baćki byŭ nacyjanalizavany pry kamunistyčnym režymie, i tamu Kulčyk‑starejšy musiŭ emihravać u Zachodniuju Niamieččynu.
