Što viadoma pra znachodžańnie zrynutaha prezidenta Kyrhyzstana ŭ Minsku?
Jašče 23 krasavika Kurmanbiek Bakijeŭ žyŭ u adnym z katedžaŭ na terytoryi rezidencyi Alaksandra Łukašenki ŭ Drazdach pad Minskam. Pra heta karespandentu «Svabody» paviedamiŭ pradstaŭnik dypłamatyčnaha korpusu, jaki prasiŭ nie nazyvać jahonaha imia.
Ci žyvie Bakijeŭ i ciapier u Drazdach, krynicy nieviadoma.
U Ministerstvie zamiežnych spraŭ Biełarusi kamientavać hetuju temu admovilisia, a da pres-słužby Alaksandra Łukašenki dazvanicca nie ŭdałosia — padčas pajezdki kiraŭnika dziaržavy ŭ Homielskuju vobłaść telefon pres‑słužby maŭčyć.
U ambasadzie Kyrhyzstana ŭ Biełarusi skazali, što tam nie viedajuć, dzie ciapier znachodzicca eks‑prezident.
0
0
0
0
0
0