Hety paradoks — jurydyčny pieražytak XIX st.
U dziaržavy Vatykan samy nizki ŭzrost seksualnaj zhody ŭ Jeŭropie — 12 hadoŭ. Heta aznačaje, što ŭ hetym horadzie‑dziaržavie darosłyja mohuć ustupać u pałavyja znosiny z dvanaccacihadovymi dziećmi — pry ich zhodzie, raspaviadaje niamieckaja Die Welt.
Aŭtar artykuła Łukas Vihielman nazyvaje hety fienomen «jurydyčnym pieražytkam XIX st.» Tady ŭ italjanskim kryminalnym pravie ŭzrost seksualnaj zhody składaŭ 12 hadoŭ. Kali ŭ 1929 hodzie Vatykan byŭ zasnavany ŭ svaim siońniašnim vyhladzie, tam byŭ pryniaty italjanski kryminalny kodeks.
Z tych časoŭ, havorycca dalej u artykule, u kodeks ŭnosilisia roznyja źmieny, naprykład, była skasavanaja śmiarotnaje pakarańnie, ale hetaha artykuła pieramieny nie zakranuli, choć u Italii ŭzrost seksualnaj zhody byŭ padvyšany da 14 hadoŭ.
Dadzienaja kalizija, adznačaje ahladalnik, vyklikaje sprečki ŭ pravaznaŭcaŭ. Niekatoryja, naprykład prafiesar Manfred Novak ź Vieny, upeŭnieny, što Katalickaja carkva śviadoma zachoŭvaje ŭzrost seksualnaj zhody na takim nizkim uzroŭni.
U paćviardžeńnie svajho mierkavańnia Novak spasyłajecca na Maltu i Ispaniju. Na Malcie jon taki ž nizki, a ŭ Ispanii ŭzrost seksualnaj zhody byŭ pavialičany z 12 da 13 hadoŭ usiaho siem hadoŭ tamu.
Jak viadoma, reziumuje vydańnie, u Jeŭropie mała krain, bolš addanych katalicyzmu, čym Malta i Ispanija.
