U suviazi z prachodžańniem vobłaka vułkaničnaha popiełu nad terytoryjaj Jeŭropy 21 krasavika ŭ Nacyjanalnym aeraporcie »Minsk» admienieny dva rejsy.
Pavodle infarmacyi aficyjnaha sajta aeraporta, heta rejsy Frankfurt — Minsk — Frankfurt avijakampanii «Lufthanza» i Talin — Minsk — Talin «Estonskich avijalinij».
Nahadajem, napiaredadni byli admienieny rejsy z Frankfurta i Varšavy, a taksama rejs avijakampanii «Biełavija» Minsk — Bierlin — Minsk.
Źmieny ŭ hrafiku palotaŭ samalotaŭ u minskim aeraporcie možna daviedacca na aficyjnym sajcie airport.by.
Admiena rejsaŭ u krainy Zachodniaj i Centralnaj Jeŭropy i Skandynavii źviazana z zakryćciom aeraportaŭ u hetych dziaržavach z‑za vobłaka vułkaničnaha popiełu.
Jak paviedamiŭ sa spasyłkaj na namieśnika načalnika adździeła aeraportaŭ, naziemnych srodkaŭ i aeranavihacyi departamienta pa avijacyi Ministerstva transpartu i kamunikacyj Biełarusi Alaksandr Akulenka, avijaznosiny nad Jeŭropaj pačynajuć naładžvacca. Razam z tym jon adznačyŭ, što mahčymy zatrymki niekatorych rejsaŭ. Pavodle jaho słoŭ, heta moža być źviazana z vysokaj intensiŭnaściu ruchu paśla vymušanaha pierapynku ŭ pracy aeraportaŭ. Akramia hetaha, niekatoryja jeŭrapiejskija aeraporty jašče nie adkrylisia.
