Dastyš fantastyš 4

Takoha raniej u Biełarusi nie zdymali. Nazvu pazyčyli z dyjałohaŭ ulubionych u narodzie niamieckich pornaaktoraŭ. Ideju pafarbavać tank u ružovy koler prysabiečyli ŭ češskaha mastaka-pravakatara Davida Černaha. Finał padcikavali ŭ viasielnym chaosie Emira Kusturycy. A mafijoznyja razborki — u savieckich «Pryhodach italjancaŭ u Rasii».

Pa kinateatrach raskładzienyja fłajery z rekłamaj filma «Dastyš fantastyš». 23 krasavika ŭ kłubie «Reaktar» projdzie kancert, prymierkavany da vychadu saundtreka, u kinateatry «Kastryčnik» ustalavanyja stendy z prarezanymi adtulinami dla amataraŭ pafotkacca ŭ vobrazie piersanažaŭ filmu. Narešcie «Biełaruśfilm» usurjoz sabraŭsia na bratazabojčuju, ale spraviadlivuju vajnie ŭsich kinastudyjaŭ suprać usich kinastudyjaŭ.

Niahledziačy na ŭsie pijar-akcyi z vykarystańniem paŭtorka, što «Biełaruśfilm» da hetaj stužki nie maje nijakaha dačynieńnia», publika źlohku nie daviarała. Jak na viečarovy piatničny viečar i dla premjery ŭ kinateatry «Kastryčnik» ludziej było (kab nie pakryŭdzić stvaralnikaŭ) — kampaktna. Ale ž amatary hladzieć biełaruskaje reahavali na kožny heh. Pobač niechta jak plusy ličyŭ znajomyja miaściny: hetaja scena la Kamsamolskaha voziera, taja — la mikrarajona «Ŭschod». Navat kali drevy zafantanavali hrašovymi znakami, publika, pilna ŭzirajučysia ŭ ich, kanstatavała: «a hrošy nie našyja». Šumnymi avacyjami vitała znachodki režysiora: kadr, kali, moŭ halivudski džyp, ź iskrami i dymam efiektna ŭźlataje ŭ pavietra matacykł marki «Minsk».

Ź vidavočnych pieravah stužki:

— užo sama saboju cikavaja zaviazka pra chłopca z čyrvonymi patłami, jaki pryjechaŭ u Minsk i vyhadavaŭ hrošavaje dreva. Mudrahielisty siužet doryć nam šmat pryjemnych imhnieńniaŭ u vyhladzie aktu prodažu Nacyjanalnaj biblijateki novamu biełarusu, a taksama zdaču ŭ arendu budynku Vaładarskaj turmy natoŭpu simpatyčnych paŭdurkaŭ.

Ź minusaŭ:

— «Biełaruśfilm» usio jašče ŭstydajecca biełaruskaj movy, chacia ŭsie zadatki dla pieraadoleńnia hetaj spadčyny praklataha minułaha byli (šmatlikaja prysutnaść u kadry aktoraŭ Kupałaŭskaha i pazakadravyja pieśni Lavona Volskaha).

Ale takoj biady — doŭhaja daroha dadomu. Prosta kab naradžalisia šedeŭry, takich kamiedyjaŭ musić być 5–10 na hod.

0

0

0

0

0

0

Liza Kavalčyk

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH