Pra heta paviedamili siońnia na bryfinhu ŭ pradstaŭnictvie ES u Biełarusi.
Novyja normy vizavaha kodeksa JeC pašyrajuć pieralik katehoryj hramadzian, jakija vyzvalajucca ad płaty za vizu.
Dla dziaciej da 6 hadoŭ vizy vydajucca biaspłatna.
Akramia taho, vyzvalajucca ad vypłaty vizavaha zboru pradstaŭniki niekamiercyjnych arhanizacyj va ŭzroście da 25 hadoŭ, jakija nakiroŭvajucca dla ŭdziełu ŭ sieminarach, kanfierencyjach, a taksama spartyŭnych, kulturnych i adukacyjnych mierapryjemstvach, jakija arhanizujucca niekamiercyjnymi arhanizacyjami.
U vypadku, kali zajaŭnik maje dastatkovyja padstavy dla častych pajezdak i viadomy konsulskaj ustanovie svajoj prystojnaściu, viza moža vydavacca na bolš praciahły termin i dazvalać šmatrazovy ŭjezd.
Na bryfinhu taksama paviedamili, što pieranos šenhienskaj vizy sa staroha pašparta ŭ novy niemahčymy,
a norma Vizavaha kodeksa ES pra vydaču abasnavańnia ŭ vypadku admovy ŭ vizie ŭstupić u siłu tolki z 5 krasavika 2011 hoda.