U subotu, 3 krasavika, startavaŭ 20-ty čempijanat Biełarusi pa futbole ŭ vyšejšaj lizie.
12 kamandaŭ zhulajuć u try koły/kruhi – takim čynam kožny z kłubaŭ praviadzie 33 matčy, a pieršynstvo skončycca 20 listapada.
Pieršy tur adkryvaŭsia matčam u Žodzinie pamiž «Tarpieda» i šaścirazovym čempijonam krainy barysaŭskim BATE. BATE pieramoh 1:0.
Adziny miač u sustrečy zabiŭ brazilski lehijanier barysaŭskaha kłuba Renan Bresan (71-ja chvilina). Letaś Bresan, nahadajem, hulaŭ u «Homieli», što vylecieŭ u pieršuju lihu.
Siamirazovyja čempijony krainy – minskaje «Dynama» – pieramahli ŭ haściach debiutanta hetaha siezona babrujskuju «Biełšynu» (letaś kamanda vystupała ŭ pieršaj lizie) -- 2:0 (Strachanovič, 24, Haŭruška, 71). Matč prajšoŭ u Mahilovie, bo arena ŭ horadzie nad Biarezinaj pakul nie hatova.
U Minsku na stadyjonie «Dynama» sustrelisia FK «Minsk» – dla «haradžan» heta chatniaja arena – i mahiloŭski «Dniapro». Minčuki pieramahli – 2:1.
Adkryŭ lik na 22-j chvilinie ivuaryjec Taina Adama Saro, na 71-j Dźmitry Klimovič lik padvoiŭ, Andrej Lasiuk na 4-j dadzienaj chvilinie matču zabiŭ hoł prestyžu.
«Dynama» Brest – «Šachcior» Salihorsk – 1:1. Haduncy Eduarda Małafiejeva adkryli lik u matčy: vyznačyŭsia Mikałaj Ryndziuk, ale haspadary lik zmahli zraŭniać. Vyznačyŭsia ukrainski lehijanier «Dynama» Vital Bierazoŭski.
«Naftan» – «Partyzan» – 1:0 (Palitevič, 31-ja). Matč prajšoŭ u Viciebsku. Pryčyny ž tyja, što i ŭ Babrujsku.
«Nioman» – «Viciebsk» – 0:0.
2-hi tur projdzie 10 krasavika (subota).
BATE zhulaje ŭ Barysavie z debiutantam hetaha siezona, ale čempijonam krainy 2001 hoda «Biełšynaj», a ŭ Minsku projdzie pieršaje derbi: «Dynama» – «Minsk».
BATE zavitaje ŭ stalicu 14 krasavika. Na stadyjonie «Dynama» projdzie hulnia z «Minskam». Kiraŭnictva «Minska» dekłaravała, što ŭvachod na chatnija matčy budzie biaspłatnym.
***
U sioletnim čempijanacie biare ŭdzieł 51 lehijanier.
Najbolšaje pradstaŭnictva ŭ Rasii – 12, u Litvy i Ukrainy – pa 10, Hruzii – 5, Łatvii i Brazilii – pa 4, Kot DJIvuara – 2, pa adnym lehijaniery majuć Armienija, Francyja, Małdova, Hvinieja.
Samy lehijanierny kłub – bresckaje «Dynama» (7 čałaviek), u «Biełšyny» – 6 hulcoŭ, u «Niomana», «Viciebska», «Partyzana» – 5, BATE, minskaha «Dynama», «Dniapra», «Minska» – 4, u «Naftana» – 3, Najmienšaja kolkaść lehijanieraŭ – u «Tarpieda» i «Šachciora» – pa 2. Kłubaŭ, što nie majuć zamiežnych hulcoŭ, niama.
