Za 2009 hod u Biełarusi było ŭčyniena 1959 kradziažoŭ i ŭhonaŭ aŭtamabilaŭ. Pra heta 2 krasavika žurnalistam zajaviŭ ministr unutranych spraŭ Anatol Kulašoŭ.
Jon paviedamiŭ, što raskryćcio kradziažoŭ aŭtamabilaŭ u krainie składaje 60%, uhonaŭ — 80%.
Taksama ministr paćvierdziŭ, što ŭ Biełarusi fiksujucca vypadki sprob prodažu vykradzienych abo ŭhnanych mašyn, ale jany nie nosiać masavy charaktar.
«Zdarajecca, što praź miesiac‑dva paśla taho, jak dobrasumlenny pakupnik nabyŭ aŭtamabil, my ŭstanaŭlivajem, što hetaje aŭto było vykradzienaje ŭ niejkaj krainie ES abo SND, — adznačyŭ Kulašoŭ. — Pradaŭca takoha aŭtamabila ŭdajecca ŭstanavić nie zaŭsiody. A pracedura kampiensacyi materyjalnych zatrat ciapierašniamu ŭładalniku ŭ vypadku viartańnia aŭto zakonnamu ažyćciaŭlajecca praz sudovyja orhany».
0
0
0
0
0
0
