U sučasnym staŭleńni biełaruskaj ułady da polskich aktyvistaŭ i staŭleńni polskaj – da zachodniebiełaruskich dziejačoŭ u 1930-ja mnoha padobnaha. Piša Rusłan Raviaka.
Miarkujcie sami: biełaruski ruch – polski ruch; represii suprać biełaruskich vydańniaŭ – cisk na polskija; niaŭdałaja sproba stvareńnia prapolskich biełaruskich arahizacyj – padtrymka režymam pradziaržaŭnaha Sajuzu palakaŭ; pieraśled, viaźnicy, sudy biełaruskich dziejačoŭ – pieraśled i sudy polskich dziačoŭ; abinavačvańnie ŭ supracy z NATO – abahulnieńnie biełaruskaha ruchu z kamunizmam.
Ź inšaha boku, cyvilizacyja ŭsio ž źmiakčyła niekatoryja nastupstvy – niamašaka, dziakavać Bohu, Biarozy-Kartuzskaj, nie sadziać ŭ viaźnicy na doŭhija terminy, nie stralajuć na sudach Prytyckija.
Tut padabienstvy skančajucca.
Biełaruski ruch u panskaj Polščy byŭ značna macniejšaj siłaju, čym siońnia polski ŭ Biełarusi. Zhadajcie šmatlikija narodnyja vystupy, rasstralanyja palicyjaj, masavyja padpały asadnickich siadzibaŭ. Niekali biełaruskamoŭnych ksiandzoŭ vysyłali ŭ polskamoŭnyja parafii, ciapier polskamoŭnych ksiadzoŭ vysyłajuć u Polšču (zrešty, šmat chto ź ich vałodaje biełaruskaj movaj lepš za tutejšych śviataroŭ).
Apalačvańnie zamianiłasia nie abiełarušvańniem, a rusifikacyjaj.
Biełarusy imknulisia ŭ polski Sojm, kab tamaka adstojvać svaje pravy razam ź inšymi mienšaściami. Siońnia palaki nie iduć u palityku, a zajmajucca hramadskaju pracaju…
Pakazalnaja padtrymka biełaruskimi niezaležnymi ŚMI polskaj hramady. I zajavy palakaŭ u padtrymku biełaruskich partyj i ruchaŭ. Pra hetkuju salidarnaść za panskaj Polščaj mahli tolki maryć.
Hramadstva evalucyjanuje. Mietady aŭtarytarnych režymaŭ zastajucca niaźmiennymi.