Na kankresie Amierykanskaha chimičnaha tavarystva, što niadaŭna zaviaršyŭsia ŭ San‑Francyska, byli prezientavanyja leki, jakija musiać dapamahčy dać rady hetaj niepryjemnaści.
Pieryjad niepryjemnych adčuvańniaŭ charaktaryzujecca mocnymi spazmami ŭ žyvacie i śpinie, časta supravadžajecca młosnaściu, rvotaj abo hałavakružeńniem; takija adčuvańni ŭłaścivyja 45—90 pracentam žančynaŭ dzietarodnaha ŭzrostu, — zajaviŭ u San‑Francyska d‑r Endru Bat z brytanskaj farmaceŭtyčnaj kampanii Vanti. — Dastupnyja na siońnia leki tolki źmiakčajuć simptomy, ale nie źniščajuć pryčynu balučych mienstruacyjaŭ.
Mnohija navukoŭcy ličać, što niepryjemnyja adčuvańni vyklikaje vyšejšy za zvyčajny ŭzrovień vazapresinu. Mienavita hety harmon adkazvaje za mocnyja i častyja spazmy matki, jakija vyklikajuć bol. Daśledčyki z Vanti raspracavali srodak, jaki źmianšaje ŭzrovień vazapresinu.
Leki z pracoŭnaj nazvaj VA111913 užo prajšli pieršy etap kliničnych vyprabavańniaŭ, u chodzie jakich była acenienaja ich biaśpiečnaść. Ciapier u ZŠA i Vialikabrytanii prachodzić druhi etap testavańnia — pravierka efiektyŭnaści VA111913. Kali hety i nastupny kroki buduć paśpiachovymi, novy preparat źjavicca na rynku ŭ najbližejšyja čatyry hady.
