Ci možna hatavać dla ŭsioj siamji tak, kab darosłyja skidvali lišniuju vahu, a dzieci z apietytam jeli? Možna! I ŭsie buduć zadavolenyja.
Hetaja tema aktualnaja dla bolšaści z nas kruhły hod, i viasnoj staić asabliva vostra. Kali my pačynajem nasić lohkaje adzieńnie, lišnija kiłahramy jaskrava bačnyja, i nadychodzić čas dla baraćby ź imi. Kab skinuć vahu, treba mienš jeści i bolš ruchacca. Dla padtrymańnia dyjety lepiej, kab ježa była jašče i smačnaj.
Viasnovy recept
Pałtus z łokšynaj z morkvy
- • 4 file pałtusa
• 6 morkvaŭ, cukini
• 2 zubčyki časnaku
• tymjan, sol, pierac, piatruška
Morkvu i cukini narezać doŭhimi pałoskami, kab heta nahadvała tonkuju łokšynu. Časnok taksama tonka narezać. Morkvu i cukini źmiašać z časnakom, sollu, piercam i tymjanam. Pakłaści na patelniu i nalić krychu vady. Pałtusa nacierci sollu i piercam, pakłaści ŭ inšuju patelniu. Razahreć duchoŭku da 180 °C, pastavić tudy abiedźvie patelni i varyć kala 20 chvilin. Skrucić łokšynu hniaździečkami, u kožnaje pakłaści kavałak ryby, pasypać drobna narezanaj piatruškaj. Dzieciam možna padać z rysam abo bulbaj, soŭsam ź viarškoŭ abo syram parmiezan.