Mabilny apieratar Life:) zapuściŭ HSPA+ u Minsku i Homieli: u hetych haradach ustalavana pa 50 bazavych stancyj. Mikałaj Juškievič, techničny dyrektar life:) abiacaje, što ŭ bližejšy čas technałohija 3,75 G pryjdzie i ŭ inšyja abłasnyja centry i bujnyja harady krainy.
Technałohija HSPA+ źjaŭlajecca apošniaj stupieńniu raźvićcia technałohijaŭ treciaha pakaleńnia mabilnaj suviazi 3G. Inšaje nazva - 3,75G, što padkreślivaje nabližeńnie da nastupnaha čaćviortaha pakaleńnia LTE, jakoje padtrymlivaje chutkaści pieradačy dadzienych da 100 Mbit/siek.
«Biełaruś maje samy vysoki ŭzrovień adukacyi i intelektualny ŭzrovień naroda. Heta aznačaje, što hety narod maje prava vykarystoŭvać samyja apošnija, najnoŭšyja technałohii ŭ śviecie». — skazaŭ padčas pres-kanfierencyi Ozdžan Ermiš, hienieralny darektar mabilnaha apieratara life:)
Pry hetym jon zaznačyŭ, što kampanija Turtcell Group i life:) u Biełarusi robiać usie namahańni, kab prynieści technałohii LTE u Biełaruś. U Life:) užo jość 200 tys abanientaŭ 3G. Nastupny krok — heta HSPA+. Płanujecca, što navinku na praciahu bližejšaha hodu buduć vykarystoŭvać jak minimum 25% karystalnikaŭ 3G (kolkaść jakich taksama pa płanach musić uvieś čas pavialičvacca). I dalej kampanija płanuje zrabić jašče adzin krok da novych technałohijaŭ mabilnaj suviazi - LTE u Biełarusi.
Padčas pres-kanfierencyi žurnalistam ŭ režymie realnaha času pakazali Speed test. HSPA+ vydała chutkaść 19 Mbit/siek. Na svaje vočy bačyła — realna pracuje.
Treba zaznačyć, što life:) siońnia prezientavała ŭžo isnujučuju suviaź HSPA+, bazavyja stancyja dla jakoj užo pracujuć. Tobok tyja chto maje svajo terminalnaje abstalavańnie moža skarystacca i prateścić mahčymaści 3,75G. Adnak pakul takoha abstalavańnia ŭ Biełarusi jašče mała, life:) płanuje jašče dadatkova zaniacca pytańniem prodažu mademaŭ i telefonaŭ na bazie OS Android. Z nastupnaha tydnia na telebačańni možna budzie pabačyć novuju rekłamnuju kampaniju life:), dzie robat ź imiom Trydžyk, budzie zaklikać padłučacca da apieratara i karystacca navinkami mabilnych technałohij.
Ozdžan Ermiš, hienieralny darektar mabilnaha apieratara life:),
fotazdymak www.onliner.by
Julija Vasilan demanstruje Speed test,
fotazdymak www.onliner.by
