Letam 2011 hodu ŭ Rasii pačniecca prodaž całkam novaj madeli Volkswagen, stvoranaj śpiecyjalna dla rasijskaha rynku.
Jak paviedamiŭ hienieralny dyrektar Volkswagen Group Rus Dytmar Karcekva, navinka budzie siedanam ekanom‑kłasa, stvoranym na płatformie Polo. Jaje aryjentavany košt składzie ad 440 000 rubloŭ (14 700 dalaraŭ). D. Karcekva nie raskryŭ techničnych charaktarystyk mašyny, ale padkreśliŭ, što jaje pratatyp užo bačyŭ premjer‑ministr RF Uładzimir Pucin.
Novaja madel budzie lideram siarod aŭtamabilaŭ kancerna pavodle ŭzroŭniu łakalizacyi. D. Karcekva padkreśliŭ, što zvarka, afarboŭka i štampoŭka kuzava budzie ažyćciaŭlacca na zavodzie ŭ Kałužskaj vobłaści, a dola ajčynnych siarod astatnich kampanientaŭ składzie 40%. Ciapier rasijski zavod VW vyrablaje lehkavyja aŭtamabili marki Volkswagen (Passat, Polo, Jetta, Tiguan, Touareg, Passat CC) i Skoda (Octavia, Octavia Tour, Fabia, Superb). Ź lipienia 2009 hodu zavod pašyryŭ madelny šerah, pačaŭšy vypusk madelaŭ Caddy i Transporter.
