Tandža Mamadu.
U Nihiery — zachodnieafrykanskaj dziaržavie z nasielnictvam kala 15 młn čałaviek — adbyŭsia vajskovy pieravarot, u vyniku jakoha byŭ adchileny ad ułady i aryštavany prezident krainy Tandža Mamadu.
Zmoŭščyki, pasola taho jak zachapili prezidencki pałac, źviarnulisia da naroda pa televizii i abviaścili, što dziejańnie kanstytucyi Nihiera prypyniena, a ŭsie dziaržaŭnyja instytuty z hetaha času nie pracujuć. U krainie ŭviedziena kamiendanckaja hadzina, jaje miežy zakrytyja.
Prezident, jaki kiravaŭ krainaj bolš za dziesiać hadoŭ, znachodzicca pad aryštam. Paviedamlajecca, što vajskoŭcy taksama aryštavali členaŭ jaho ŭrada.
Situacyja ŭ Nihiery ŭcpychnuła ŭ žniŭni minułaha hoda, kali Tandža Mamadu unios źmieny ŭ kanstytucyju krainy,
jakija dazvalali jamu zajmać pasadu prezidenta na praciahu nieabmiežavanaha času.
Hety krok vyklikaŭ rezkaje asudžeńnie ŭnutranaj apazicyi i inšych afrykanskich krain: siabroŭstva Nihiera ŭ rehijanalnaj zachodnieafrykanskaj arhanizacyi było prypyniena.
Vajennyja, što ažyćciavili pieravarot, abiacajuć adnavić demakratyju ŭ krainie i pieramahčy karupcyju.
Praŭda, susiednija krainy pieravarot asudzili.
Nihier abviaściŭ ab niezaležnaści ŭ 1960 hodzie, da hetaha jon naležaŭ Francyi. Z tych časoŭ dziaržava nieadnarazova akazvałasia va ŭładzie vajennych. Kraina ličycca adnoj z samych biednych u śviecie, choć vałodaje značnymi zapasami karysnych vykapniaŭ, u pryvatnaści, urana i nafty. Najaŭnaść uranu robić krainu abjektam pilnaje ŭvahi amierykanskich i francuzskich śpiecsłužbaŭ.
