Viktar Janukovič u aŭtorak daŭ intervju amierykanskamu telekanału CNN.
Pieramožca vybaraŭ va Ukrainie ŭpeŭniena na rasijskaj movie raspaviadaŭ pra svaje dziejańni na pasadzie prezidenta, a taksama pra dačynieńni Rasii i ES. Nie ŭtrymaŭsia i ad dakoraŭ ŭ bok svajho palityčnaha apanienta.
«Ukraina była demakratyčnaj dziaržavaj ciaham piaci hadoŭ, i hetyja vybary dakazali heta. Julija Cimašenka zdradžvaje pryncypam Pamarančavaj revalucyi svaim niežadańniem pryznać parazu», — skazaŭ jon.
Janukovič raskazaŭ, što ŭ jakaści kiraŭnika dziaržavy jon nie źbirajecca pradavacca Rasiei, i nie źjaŭlajecca maryjanietkaj Kramla.
Pa słovach Janukoviča, jaho palityka budzie «zasnavana na vyhadnych i dobrych stasunkach jak z Rasijaj, tak i ź Jeŭrasajuzam».
Pryjarytetnaj zadačaj u dačynieńniach z Rasijaj, pieramožca vybaraŭ abiacaje harantyju ŭstojlivaha enierhazabieśpiačeńnia. Ź ES Janukovič choča zrabić zachady dla zabieśpiačeńnia biazmytnaha handlu, a taksama «prynieści jeŭrapiejskija standarty žyćcia ŭ Ukrainu».
Taksama, niahledziačy na svaje papiarednija niehatyŭnyja vodhuki pra siabroŭstva ŭ NATO, Janukovič skazaŭ, što jon «pradoŭžyć supracoŭnictva z NATO, ale ci dałučacca da aljansu — vyrašać ludzi Ukrainy na refierendumie».
